Во антикорупциска акција, која ја спроведоа хрватската полицијата и Ускок од средата, уапсени се соработници на поранешниот градоначалник на Загреб, Милан Бандиќ и генералниот директор на ХРТ, Казимир Бачиќ, јавува хрватски „N1“.
Новинарот Домагој Новокмент на Твитер пренесе снимка од денешното апсење на Бачиќ.
Privođenje glavnog ravnatelja @hrtvijesti Kazimira Bačića @N1infoZG pic.twitter.com/MVj5RTIlXY
— Domagoj Novokmet (@DomagojNovokmet) June 30, 2021
Возачите на Бандиќ, Здравко Краина и Владимир Џаја, поранешниот член на Комисијата за изнајмување на јавни простори Јелена Чеклиќ, шефот на стручната служба на градоначалникот Андреја Сулентиќ и Денис Моенски, се приведени од средата наутро.
Како што пишува N1, досега не можеше да се добие потврда од полицијата и Ускок, но медиумите наведуваат дека станува збор за сомнение за сторени коруптивни дела, најмногу поврзани со работите на управата на градот Загреб.
