Со политички договор поради пандемијата со Ковид-19 пописот во април годинава беше одложен за септември, а локалните избори за втората половина на октомври. Симовски, вчера посочи дека се следи епидемиолошката ситуација и дека пописот ќе биде спроведен согласно предвидените мерки и протоколи за заштита, додека попишувачите ќе бидат вакцинирани во текот на август. Пописот ќе се спроведе од 5 до 30 септември, нема ново одложување.
Балканот е новата надеж на Европа. Конфликтите во регионот се минато, соработката е нашата сегашност и иднина, објави премиерот Заев на Фејсбук. „Во времиња на глобални предизвици, со Договорот од Преспа испративме глобална порака за дијалог и мир. Го надминавме минатото исполнето со недоверба, за да градиме заедничка иднина.“, се наведува во објавата од премиерот Заев.
Министерот за здравство Венко Филипче денеска соопшти дека сега е многу рано да се каже дали ќе има одложување на почетокот на новата учебна година. Почетокот на школската година, како што рече, ќе зависи од повеќе фактори, а најмногу ќе зависи од емидемилошката ситуација, генерално во земјава. Додаде дека теренската вакцинација против Ковид-19 треба да почне од следната недела.
Министерството за образование и наука и Владата продолжуваат со подготовката на дигиталните материјали за учење и покрај повлекувањето на предлог законот за учебници од собраниска процедура. Реформите ќе стартуваат според утврдениот план од септември во прво и четврто одделение. Ова го истакна министерката образование и наука Мила Царовска на гостување во Утрински брифинг на Слободна ТВ.
Синоќа се одржа промоција на две книги од Борче Боки Трајковски, познат и како Боки Бургија, „Подемот и падот – СЈО во белешките на курирот“ и „Скопје тенкју 2“ во издание на Фронтлајн/Шорткат продукција. На зелениот покрив на ГТЦ присуствуваа околу 200 луѓе, меѓу кои и многу јавни личности. На промоцијата беше забележана и обвинителката Фатиме Фетаи, една од највпечатливите ѕвезди на поранешното Специјално јавно обвинителство.
Во рамки на летните активности за подобрување на урбаната инфраструктура во Општина Центар, предвидена е и реконструкција на 9 детски игралишта во општината.
М. Миткоска
