ПРВА ЛИНИЈА
No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
No Result
View All Result
ПРВА ЛИНИЈА
No Result
View All Result
Home ДЕЗИНФОРМАЦИИ

Вистиномер: Не е точно дека лажица се лепи за рамо поради вакцинација

July 27, 2021 12:33
in ZOOM IN, ДЕЗИНФОРМАЦИИ, ДЕНЕС, ПАНДЕМИЈА
Share on FacebookShare on Twitter

Медицински експерти во повеќе наврати се изјаснија дека вакцините немаат магнетизирачко дејство и немаат магнетизирачки компоненти. Предмети на раката може да се залепат поради фрикција (триење), лепило, селотејп, природната пот на кожата на раката, но не и поради вакцинација. Истите луѓе кои можат да залепат магнетни предмети на нивните тела може да залепат и немагнетни предмети со истата леснотија. Наводните магнетски моќи исчезнуваат ако им се прекрие кожата со пудра, пишува „Вистиномер“ во новата анализа, што ја пренесуваме во целост:

Во постот што го рецензираме, уште еднаш е претставен предмет (лажица) залепен на рамото на наводно вакцинирано лице. Во описот на фотографијата стои:

Со кинеската Синовак. Колегата ми ја прати. Јас ништо не кажувам. Повелете доктори. Што, како зошто, прашува авторот на постот.

Меѓутоа, докторите веќе се изјаснија дека нема компоненти во ниту една од вакцините коишто предизвикуваат метални предмети да се лепат на рамото, односно вакцините не предизвикуваат магнетно дејство.

Вакцините на ниту еден производител не содржат метали

Проверката на факти на американскиот весник „USA Today“ и разговорот со експерти, исто така, покажа дека се работи за дезинформација.

Тврдењето дека ковид вакцината може да предизвика магнетна реакција е неосновано и будалесто. Вакцините не ви го магнетизираат рамото. Овде се гледа дека лицето го лепи магнетот со нешто на рамото, можеби со потта од раката или слично, изјави вирусологот Енџела Размусен, поврзана со Џорџтаун Универзитетот за слично видео кое беше објавено во САД.

Лагите за наводниот чип во вакцината и рамото, стигнале и до Австралија.

Интерната димензија на иглата е 0.3 милиметри. Чипот би морал да е фракција од ова, за да се спречи да се заглави. Мислам дека не е возможно, а посебно зашто би морало да биде вграден и трансмитер. За микрочипот да може да помине низ оваа игла со која се врши вакцинацијата, би морал да биде помал од десет илјадинки од милиметар, пишуваат проверувачи на факти од Австралија.

Не може да се знае што користат на магнетите за тие да може да се залепат, дали е лепило, дали е селотејп, дали можеби е, само потта од раката, пишува реномираниот „Форбс.“

Вашето тело е составено од сосема истите биолошки градбени единици како материјалите во вакцината, така што едноставно нема шанса дека инјектирање на мал дел од овој материјал би можело да има било каков импакт. Поголемиот дел од храната е составена од слични молекули и јадењето храна не ги прави луѓето магнетни, изјави за „Фулфект“ професорот по биомедицинска технологија Ал Едвардс.

Инстаграм веќе почна да ги замаглува видеата со ваква содржина затоа што експерти потврдуваат дека не е вистина оти во вакцината има каква било состојка што може да ги направи магнетизирачки.

Така, доктор Селин Гаундер, епидемиолог и специјалист за инфективни болести посочува дека во листата на состојки во вакцините, нема железо.

Железото е еден од најчестите метали користен во магнетите, но ќе видите дека нема железо споменато во листата за составот на вакцината. Многу мултивитамини содржат железо и не гледаме дека луѓето стануваат магнетизирани или магнети им се лепат на телото откако ќе земат витамин, вели таа.

„Вистиномер“ и претходно пишуваше дека вакцините немаат магнетизирачко дејство и немаат магнетизирачки компоненти. Предмети на раката може да се залепат поради фрикција (триење), лепило, селотејп, природната пот на кожата на раката, но не и поради вакцинација. Истите луѓе кои можат да залепат магнетни предмети на нивните тела може да залепат и немагнетни предмети со истата леснотија. Наводните магнетски моќи исчезнуваат ако им се прекрие кожата со пудра.

Сепак, „Форбс“ нотира дека има ронка вистина во тоа дека многу луѓе можат да залепат метални магнетни или други предмети, како стакло, порцелан, пластика, дрво и алуминиум на нивната кожа. Но, во овој феномен нема магнетизам, туку нешто многу пообично – причината поради која предметите може да се лепат за некои луѓе е силата наречена „фрикција“ (триење).

Во секој случај каде што овие „човечки магнети“ биле тестирани, се добивале истите резултати. Тие се: ако се обидете да го измерите магнетното поле околу личноста, ќе добиете нула резултат, нема детектирано магнетно поле. Понатаму, истите луѓе кои можат да залепат магнетни предмети на нивните тела може да залепат и немагнетни предмети со истата леснотија. Трето-лепењето се случува само кога кожата е мазна и без влакна. Четврто – секогаш човекот на кој се лепи предметот или е навален наназад. И петто, како што е покажано на овој линк, нивните наводни магнетски моќи исчезнуваат ако им ја прекриете кожата со пудра.

Дури и девојката која го почна предизвикот со лепење на монети, магнети за фрижидер, ножици и други предмети на „Тик Ток“, за „Би-Би-Си“ изјави дека:

Луѓето треба да престанат да веруваат во се што ќе видат на „Фејсбук“, „Јутјуб“ или на „Тик Ток”, додавајќи дека сето тоа било шега и го повлече видеото.

Нејзиното извинување може да го погледнете со почеток на 2 минута на ова видео. Но, беше предоцна, бидејќи предизвикот на лепење метални предмети и лажењето дека тие се лепат на рамото поради вакцината против ковид, веќе зеде залет.

Информациите за сите вакцини против ковид од различни производители, коишто се администрираат во земјава, може да ги погледнете на следниот линк заедно со нивниот состав и упатства за употреба.

Поради оваа аргументација, постот го оценуваме како невистинит.

 

ФРОНТЛАЈН Е-БИЛТЕН

ПРЕТПЛАТИ СЕ НА Е-БИЛТЕНОТ НА ФРОНТЛАЈН И ДОБИВАЈ ГИ НАЈНОВИТЕ ВЕСТИ НА ТВОЈАТА Е-АДРЕСА

Check your inbox or spam folder to confirm your subscription.

НАЈНОВО

Патот од Подмоље до Охрид вечерва ќе биде пуштен во сообраќај

June 21, 2025

Македонија е првата европска земја што доби турски влечни хаубици БОРАН

June 21, 2025
Инаугурација на папата Лав XIV. Фото: Скриншот

Папата предупредува на предизвиците кои ги носи вештачката интелигенција

June 21, 2025

НАЈЧИТАНО

  • СДСМ нема да има кандидати за градоначалници во Сарај, Чаир, Тетово, Гостивар, Дебар, Струга и Желино

    0 shares
    Share 0 Tweet 0
  • Во оклопот на вмро, Македонците се желки на трката во Спа Франкоршамп

    0 shares
    Share 0 Tweet 0
  • Филипче ги објави првите 19 кандидати на СДСМ за градоначалници

    0 shares
    Share 0 Tweet 0
  • Конечната пресуда за убиствата на Вања и Панче на 25 јуни

    0 shares
    Share 0 Tweet 0
  • (ВИДЕО) Голем пожар во Далмација меѓу Омиш и Макарска, се спасуваат куќи, пожарникарите немаат контрола

    0 shares
    Share 0 Tweet 0

© 2023 Frontline.mk

  • ЗА НАС
  • ИМПРЕСУМ
  • ПОЛИТИКА НА ПРИВАТНОСТ
  • МАРКЕТИНГ
  • КОНТАКТ

No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ЗА НАС
  • ИМПРЕСУМ
  • КОНТАКТ
  • МАРКЕТИНГ

© 2023 Frontline.mk