Заклучно со вчера вакцинирани се вкупно 519.106 граѓани. Прва доза вакцина вчера примиле 3.909 граѓани, а вчера вкупно се вакцинирале 12.939 граѓани.
Денес и утре територијата на целата држава е во портокалова фаза, да се почитуваат мерките за заштита на населението од топлотниот бран.
Во новата учебна година повеќе нема да има печатени дневници во основно и средно образование, соопшти Бирото за развој на образованието. Наместо во дневник, информациите за учениците ќе се запишуваат само електронски. Оваа измена е на барање на наставниците, кои сакаат да бидат растоварени од обврската да водат двојна евиденција во воспитно-образовниот процес.
Дополнителни 438 невработени лица ќе бидат опфатени со меркaтa за субвенционирање на плати преку Оперативниот план на активни програми и мерки за вработување и услуги на пазарот на трудот.
БРОЈКИ: Во периодот јануари-јуни 2021 година, реализирани се 1.132 инспекциски надзори наместо планираните 866 инспекциски надзори, или остварено е 30% повеќе од планираното, се наведува во полугодишниот извештај на Државниот инспекторат за животна средина.
Министерството за труд и социјална политика информира дека денеска започна исплатата на правата од социјална, детска и цивилна заштита (сите парични прaва) за месец јули 2021 година.
Грчките пожарникари кои и натаму се борат со големиот шумски пожар во подножјето на Парнас, во близина на Атина, денеска рекоа дека се надеваат дека огнот ќе биде ставен под контрола во наредните часови.
Државата денеска ја емитуваше дваесеттата емисија обврзници за денационализација во вкупен износ од осум милиони евра. Со неа ќе се обесштетат граѓаните кои имаат правосилни решенија за денационализација од 1 јануари до 31 декември 2020 година.
РЕНДГЕН: Мозочен часовник.
Железничкиот сообраќај од вчера е во прекин поради бојкот на машиновозачите. Тие денеска очекуваат да се сретнат со менаџментот на претпријатието со цел да се најде решение за нивните барања.
Град Скопје замолува за трпение додека траат градежните работи на улиците и булеварите Во периодов градежни работи има на 11 локации низ градот, во неколку скопски општини, соопштуваат од Град Скопје.
Претседателката на Европската комисија, Урсула фон дер Лајен, ги повика Соединетите Американски Држави брзо да ја укинат забраната за доаѓање од Европа поради коронавирусот.
Џони Деп доби можност за пресврт во бракоразводната парница, против поранешната сопруга Амбер Хард. Приказната трае од 2016 година, кога Хард поднесе барање за развод и го обвини Деп за насилство.
Производителот на „Барби“-кукли, компанијата „Мател“ создаде реплика на научничката Сара Гилберт, која ја создаде вакцината против коронавирусот на Оксфорд.
Ј. Ѓ.
