Уште се активни пожарите во Делчево, Пехчево, Свети Николе, Штип, Прилеп, Куманово, Валандово и Радовиш. Повторно гори и во Гостивар, а под контрола е ставен пожарот во Сарај, во атарот над селата Раовиќ и Буковиќ, информираат од Центарот за управување со кризи.
Претседателот на Собранието Талат Џафери денеска ги распиша локалните избори, кои треба да се одржат на 17 октомври.
Горан Стојановски од Центарот за управување со кризи информираше дека во текот на вчерашниот ден имало 18 пожари во Скопје од кои 17 се целосно ликвидирани.
Пожарот во атарот на штипското село Добршани оди во правец кон реката Брегалница. Градоначалникот на Штип, Сашко Николов, изјави дека благодарение на интервенцијата на пожарникарите огнот ги нема зафатено куќите, кои дел се и стари и напуштени.
За два дена, уапсени се две лица Преспанско-Пелагонискиот Регион осомничени за подметнување пожар каде се активни се неколку пожари, а властите апелираат граѓаните да се воздржат од секакви активности кои ќе придонесат за разгорување на пожарите
На сметките на вкупно 3.124 сточари кои имаат поднесено барање за директни плаќања за обележани и одгледани овци се исплатени над 633,4 милиони денари, додека на 10.547 градинари над 233,4 милиони денари.
Во наредниот период ќе се склучи договор за набавка на уреди за биометриска идентификација на гласачи со отпечаток од прст.
Полицијата трага по лица кои прават лажни ПЦР-тестови за откривање Ковид-19
Актуелниот градоначалник на Струга, Рамиз Мерко ќе биде кандидат на ДУИ за нов мандат за градоначалник на претстојните локални избори во октомври.
Од 416.614 лица вакцинирани со две дози на вакцина против Ковид-19, 167 лица се заразиле 14 дена по примена втора доза вакцина, а само 11 од нив биле хоспитализирани.
Во последните 24 часа се направени 5.959 тестирања, а регистрирани се 325 нови случаи на КОВИД-19. Пријавено е едно починато лице од Битола (55г), починатo во болнички услови.
Сè уште нема доволно податоци за да се препорача употреба на третата, засилувачка доза, соопшти денеска Европската агенција за храна и лекови (ЕМА), откако некои земји од ЕУ наведоа дека ќе почнат да ја даваат трета доза вакцини против Ковид-19 на најранливиот дел од населението во септември
Неколку кинески производители на вакцини против коронавирусот соопштија дека изолирале високо заразна варијанта на делта сојот на вирусот и се подготвени да развијат вакцини за овој нов вид.
Од 3 до 12 август дел од членовите на Владата ќе искористат денови од годишен одмор. Владата секојдневно ги извршува сите свои функции, а согласно состојбата со пожарите министрите секојдневно заседаваат и одржуваат седници преку онлајн видео конференциска врска и навремено и непречено ги носат сите потребни одлуки, објавија од Владата.
Ј. Ѓ.
