Од вкупниот број на примени пациенти во изминатите седум дена, кој изнесува околу 150, под 10 проценти се пациенти кои се целосно вакцинирани и се во релативно добра здравствена состојба, не се критични, изјави утрово министерот за здравство Венко Филипче.
„Делта сојот е сој којшто е очигледно доминантен кај нас, и не само кај нас туку и во регионот и Европа. За делта сојот знаеме, а е и научно потвредно дека за 60-70% побрзо се шири од алфа сојот, претходниот британски сој, и е детектирана поголема количина на вирусот т.н. вирусен лоуд во слузокожата од брисевите на пациентите. Дали таа поголема количина на вирус ќе даде потешка клиничка слика, не знаеме, ги чекаме најновите студии“, рече Филипче.
И. Т. З.
