пишува: БОРЧЕ БОКИ ТРАЈКОВСКИ
Тие не се појавија на свеченоста по повод 20 годишнината од Охридскиот договор, затоа што ним им пречи тоа што ние и тие сакаме да живееме заедно со максимална почит кон сите свои различности. Им пречи и тоа како тие успеваат да се изборат за своите права, да се сплотат кога нивните национални интереси се загрозени односно доведени во прашање и да се борат заеднички за остварување на истите, додека, тие, истата борба ја водат со разединување и антагонизам кон неистомислениците од истата националност.
Така ги научила нивната историја. Им пречи и тоа што некои други во Македонија зборуваат различен мајчин јазик од македонскиот, затоа што според нив овде треба да се зборува само на еден јазик, на македонскиот, затоа што оваа преостанато парче од нивната Голема Македонија, е држава само на Македонците, не и на сите останати кои овде со векови се раѓаат, создаваат, вложуваат, живеат, егзистираат. Тие не дојдоа на прославата со која се одбележа почетокот на новата димензија, новата перспектива, новиот хоризонт на соживот, новата делница на заедништво со меѓусебна почит, искрена почит кон различностите.
На вмороните и лажните патриоти им пречи споменикот на Скендер Бег, неговиот плоштад, преименувањето на училиштата во Чаир, им пречи сè што тие наши сожители ги жигосува на посебен, различен начин од сопствените различности. Им пречи сè што тие не можат да направат онака како што овие го прават. Груби бил груб. Шверцер навивач, не заслужувал место онакво какво го има, Бујар е циник, подмукол, расипан, Ахмети е актерот кој ја дели Македонија од внатре, суптилно, полека, чекор по чекор, борејќи се да ги оствари правата на Албанците во Македонија користејќи ги симпатиите на Калето.
А замислете, сите тие со Ахмети на чело се борат за истите оние права кои ги следуваат Ромите, Србите, Турците, Власите, Бошњаците, православните и муслиманите, атеистите и адвентистите, истите права кои ги имаме ние Македонците овде и за кои се бориме каде било во светот. Ним им смета и борбата на Заев за реализирање на правата на сите заедници во државава вклучувајќи ја и албанската, како што им пречи неговата мирољубивост и толерантност кон соседите кога баналности се појавуваат како сериозни политички пречки.
Тие, сè уште веруваат дека во името на „Делете ја, парчете ја, пак ќе биде наша најмила“, дека конгресот на ДПМНЕ ќе се одржува во Солун, дека сите Македонци според нивниот нишан на критериуми ќе владеат со оваа држава искачувајќи се на пиедесталот на најкревката гранка на високото стебло кршејќи ги правата на сите други, а највеќе на своите, затоа што не мислат исто како нив. В-Морон не го разбира ова, и затоа целата своја енергија ја усмерува во борба против секој Македонец кој нема предрасуди за сопствениот идентитет, јазик, историја и култура, а ги почитува и ги признава сите различни од него во заедничката држава. Тоа за нив е предавништво…
Тие не сакаат да ја разберат целта на Охридскиот договор, тие сакаа и сè уште сакаат ова парче од Македонија постојано да биде во внатрешен конфликт, за да можат да го палат огнот на најлажниот патриотизам и преку него и наивноста на затруената маса да ја пљачкаат државата. Да не се случеше овој договор, Ахмети ќе се повлечеше во шумите и ќе бараше засилување за неговите УЧК единици, а само наивните кои и ден денес веруваат во идејата дека вмро следниот конгрес ќе го држи во Солун, дека Албанците се „шиптарско“ племе за во гасни комори, „циганите“ за сапун правење, ќе гинеа на плодните македонски ниви, а пожарите со крв ќе се гаснеа. И со нивната и со нашата. Црвена, солена, иста. Сите во светот ќе ни се смееја…
Лесно се препознаваат идиотите и на социјалниве мрежи. Вчерашниот гест на Венко да реанимира починат човек не е министерски, ниту партиско политички, најмалку сдсмовски. Не се стрча Венко да помогне за прво да ја праша жртвата од која партија е пред да се внесе во реанимација, дали ќе гласа за нив на изборите, како се вика, дали ги бакнал камата и нагантот пред да го јавне коњот кон Мечкин камен. Вчера Венко беше ЧОВЕКОТ. Убеден сум дека кој било лекар, доктор, болничар, медицинско лице на тоа место ќе реагираше на истиот начин како Венко, ќе се стрчаше да помогне…
Ги читав коментарите во една ФБ група и се наежив. На ваквиот потег, без разлика на трагичниот крај, да плукаш со партиско политички памфлети, со шлајмот на загадениот вмороидиотизам, да го навредуваш Венко заради тоа што се обидел да помогне, да го исмеваш, да се ситиш на смртта, да влегуваш во спектаклот на идиотите и креираш сценарија за каобожемски политички трик, за наместена ситуација во која Венко требал да се покаже како светла фигура, демек спасил живот, ама ете, имало ГоспоТ и не им успеала замислата, пациентот починал, не те обележува само како идиот, како нечовек, како ѓубре пред тастатурата, како изрод, туку и како мизерен примерок на човечкиот род, кој ниту во вештачка варијанта може да се произведе…
За жал, ете ги, тука се, меѓу нас се, ги има секаде ваквите изроди, кои за наша жал не биле издркани на времето. Штета…
Текстот е личен став на Авторот. Сите права се задржани.
