Заев: Максим одлучи да тргне против Максим. Еден од начините кога ќе одлучите дека треба да го напуштите СДСМ е да настапите како независен кандидат. Максим се одлучи да тргне против Максим и СДСМ на Центрлниот одбор треба оваа исклучување од партијата да го констатира.Во Куманово ќе победеи тој што победува веќе 30 години, а тоа е СДСМ, изјави Заев.
Партиите најавуваат позитивни кампањи за локалните избори. Изборната кампања за локалните избори на 17 октомври започнува на 27 септември, но партиите веќе почнаа со меѓусебни обвинувања и повици за позитивна кампања. До 9 септември тече рокот за увид во Избирачкиот список, во подрачните и канцеларии на ДИК и електронски, преку веб страницата на Комисијата.
Скопје останува на европската агенда и бара решение со Софија, очекува ЕУ да го исполни ветеното. Проблемот веќе не е само политички. Ситуацијата стана многу позагрижувачка за ЕУ. Што направи Северна Македонија за нејзината европерспектива – направи се, и уште повеќе, а што доби за возврат – ништо и уште помалку. Со ова кредибилитетот на ЕУ многу се наруши, изјави Борут Пахор, претседателот на Словенија чија земја е актуелен претседавач со ЕУ.
Привремено одземени 100.000 швајцарски франци на ГП Деве Баир. При извршена детална контрола и личен претрес на возачот во внатрешниот џеб на панталоните му биле пронајдени непријавени 2 пакувања обвиткани со црн најлон и селотејп трака во кои се наоѓале 100.000 швајцарски франци, информираат царинските служби.
Зошто сме завиени во ковид-црнина? Одговорот на ова прашање јас го немам, а е далеку од меродавно (за пристојноста дума да не стане) тоа што го говорат политичарите, фејсбук-експертите и оние чија работа е по социјалните мрежи да шират говор на омраза. За ова, до сега, МОРАШЕ да има барем неколку стручни анализи направени од државни или лекарски здруженија…пишува во најновата колумна Сашо Орданоски.
Битиќи: Ги зголемивме капацитетите за згрижување на децата за дури 130%, нема веќе барок и палми од парите на граѓаните. Платите растат и во здравството, во образованието, во детската и социјалната заштита, во одбрана и полиција. Како Влада обезбедивме над 700 милиони евра поддршка и помош на стопанството кое се соочи со предизвиците што ги донесе коронакризата, заклучи Битиќи на маалската средба во Гостивар.
Шилегов и Наумоски: Ѓорче Петров расте и се развива. Ги реконструиравме улиците Ѓорче Петров и 4-ти јули, а започнавме и со реконструкција на улицата Лука Геров. Ги расчистуваме дивите депонии во општината, пробивме нови велосипедски патеки и подигнавме нови зелени површини. Поставуваме нова фекална и атмосферска канализација онаму каде што е потребно. Сето тоа го правиме заедно со локалната власт, за граѓаните на Ѓорче Петров, посочи Шилегов.
Вчера се аплицирани 12.022 вакцини, ревакцинирани се 547.105 граѓани. Граѓаните без закажан термин се вакцинираат, во постоечките вакцинални пунктовите низ државата. Децата од 12 до 18 годишна возраст се вакцинираат со согласност од родител.
Бујар Османи се вакцинираше по третпат. Иако науката се уште не расчистила со оваа дилема, а за тоа нема ни формална одлука на Владата, Османи сакаше со личен пример да ги мотивира граѓаните во Тетово да се вакцинираат и да покаже со личен пример дека тој како доктор ја смета вакцината за безбедна.
