Вие не знаеме дали сте примиле и кога сте примиле вакцина и наместо да се вклучите да помогнете гледате како да излажете, да поттикнете антиваксери, се за политички поени, сменете ја плочата, понудете решенија, отворени сме, секоја идеја е добредојдена, ние црпиме информации и од светски институции, рече премиерот Зоран Заев на провокацијата од страна на лидерот на опозицијата Христијан Мицкоски во тв дуелот на Канал 5.
За време на пандемијава со Ковид-19 која ја зафати и нашата земја како сите останати, правиме се што можеме со капацитетите пред се на здравствениот систем, пожрвуваноста на медицинските работници и дополнително ги мотивиравме со примања и спасивме многу животи. Истото го прави и целиот свет, консултураме експери за нови методи, никогаш не се штеделе средства, набавивме поевтини вакцини, набавивме и донации, помогнаа и пријателите како Србија и целиот процес го менаџираме транспарентно, сите податоци ги објавуваме. Една од причините за смртноста е е поради хроничните болести на луѓето, како и една од традициите подоцна да се оди на лекар, затоа имаме најмногу починати над 60 години кои многу често имаат проблеми со срцето. Помладите човечки животи ги изгубивме заради доцна одење на лекар, појасни Заев кој посочи дека ова се официјални информации од извештаите на медицинските лица.
Тој посочи дека одговорноста ја имаат политичарите пред јавноста, да бидат пример и за вакцинацијата и за однесувањето како што се почитувањето на мерки.
-Вие не знаеме дали сте примиле и кога сте примиле вакцина и наместо да се вклучите да помогнете гледате како да излажете, да поттикнете антиваксери, се за политички поени, сменете ја плочата, понудете решенија, отворени сме, секоја идеја е добредојдена, ние црпиме информации и од светски институции, му посочи Заев на Мицкоски.
Тој појасни дека Владата секогаш ги слуша експертите и носи одлуки врз основа на гледањата на кризниот штаб.
-Периодот пред летото беа намалени бројките, имаме право да им го вратиме нормалниот живот на граѓаните, но тоа се дозволи тогаш кога здравствените власти не бараа рестрикции, владата секогаш следела насоки, се дозволија веселбите , економските текови се важни, кога заразата е стишена , а потоа штом почнаа да растат заразените се лимитираше активноста на затворено и донесовме нови мерки. Лесно е да се каже масовна вакцинација кога ние имавме проблем со вакцините и треба сите да поттикнеме масовна вакцинација за да го заштитиме колективното здравје, а не да кажете дека се вакцинирам за да можам да се движам по кафулиња. Засега тоа е единственото решение за оваа пандемија која не зафати, му посочи Заев на Мицкоски.
