Претседателот на Социјалдемократскиот сојуз на Македонија на денешната граѓанска трибина Најдоброто за мојата општина посочи за важноста на концептот на едно општество за сите, дека тоа е клучот за напредок и затоа е важно што избираме на изборите и какви одлуки носиме.
„Сето ова го зборувам од името на авангардните чекори кој што заедно сите ние, нашиот народ ги презедовме последните 4 години. Решивме историски прашања, ќе ве потсетам овде има и повозрасни од мене, но има и помлади. Се сеќаваат сите. 30 години славиме независност, 30 години на сите избори, НАТО – ЕУ, ЕУ – НАТО, единствено или слично. И успеавме, сите позади нас не успеа. Денеска најголемото богатство го имаме, сите дома сме обединети, во едно општество за сите. Каде што секој граѓанин е еднаков и со своите права и со своите обврски. И тоа треба да продолжиме да го негуваме”- рече Заев.
Тој се наврати и на дел од досега сработеното, на инвестициите и на економијата.
„Покажавме прво на планот мултиетнички и меѓународен успеси кој што никој не може да ни ги земе. И додека ги решававме сите овие крупни прашања, работевме дома, 7000 проекти поддржавме на локално ниво на државата, 7000 проекти. Изградивме 60 детски градинки, реконструиравме, изградивме нови 80 училишта, 34 болници, 20 домови на култура, театри, општински згради, изградивме објекти и проекти вредни повеќе од 500 милиони евра. Општините беа во долгови до гуша, ги раздолживме со 50 милиони евра и тоа се огромни пари на државата. Успеавме паралелно да го јакнеме економскиот стандард на нашиот народ. Во време на крупно решавање на прашањето, на прашањата кои што се најсериозни во оваа наша земја, од самостојноста до сега, во време на повеќе од година и пол пандемија во државата, каде што колабираа системите економски и буџетски насекаде во светот, се осети и кај нас сериозно, во тоа време сите овие 4 години инвестиравме во економскиот стандард на нашиот народ.
Прво, на најсиромашните поделивме не 3%, не 30%, 300% повисока социјална помош, затоа што беше срамота 2700 и 2300 денари социјална помош, сега имаат 300% и притоа сите се фокусирани на веднаш барање работа. Ако одбиваат, тогаш се укинува, има фер систем. Втора работа, ги покачивме платите на сите во државата, минималната плата не беше пред 40 години, пред 4 години 8 и 9000 денари. Сега е со закон 15,200, до крајот на годината ќе биде 18000 денари. Од 9 на 18.000 денари, тоа не е 10 пати, тоа е дупло, не 10%, 15%, 20%, 100% и таа е важна затоа што го прави притисокот на сите други плати да се качуваат. ВМРО – ДПМНЕ од 2011 до 2017 година, за 1.700 денари ја покачи просечната плата во државата. Ние од 2017 до 2021 година ја покачивме за 6.300 денари просечната плата во државата, едно заради минималната плата, второ ги супституиравме сите кој што ќе ги покачат платите на своите вработени, разликата во придонесите на државата до ден денеска ги плаќа.
Од Струга, Заев испрати порака на единство и повика на обединување на сите етнични заедници кои живејат во Струга да го изберат Најдоброто, затоа што тоа што било добро и тоа што било подобро, може да биде само најдобро. Тоа што не чинело, може да биде само најлошо.
На 17 октомври Заев повика да се избере патот кој води кон просперитет и подобар животен стандарт за сите, а тоа го носи бројот 12, Димче Шипинкаровски.
