Во текот на вчерашниот ден, покрај тоа што се кршеше изборниот молк, на социјалните мрежи доминираше и говорот на омраза.
На Твитер е објавена фотографија од извесен профил Султана која сподели фотографија од прилепски Роми, поддржувачи на кандидатот за градоначалник на СДСМ, Горан Сугарески со коментар: „Колку вреди во евра сликава“. Дел од коменратите се: „циганарија“, „циганин сам ал најлепши“, „не знам колку вреди ама знам колку смрди“, „5 евра по ѓуптин“…
Под објавата има низа на коментари со говор на омраза по етничка и партиска припадност. Ова се само дел од коментарите:
Ваквите објави предизвикуваат коментари со говор на омраза и етничка нетрпеливост. Често ваквите навредливи содржини може да предизвикаат и дела од омраза, особено ако се земе во предвид дека во Прилеп победи кандидатот за градоначалник од ВМРО-ДПМНЕ, а гореспоменатите се подржувачи на СДСМ.
ЦИВИЛ повикува да се смират политичките страсти и да нема реваншизам по ниедна основа, ниту партиска, ниту етничка.
Мониторинг тим на ЦИВИЛ
