Хорор – Притворени родители, ги силувале и продавале малолетните ќерки

Три лица се притворени на барање на Обвинителството за организиран криминал, осомничени за кривичните дела Родосквернавење и Трговија со дете. Првоосомничен е татко на шест деца, од кои три малолетни девојчиња, и како што соопштија од обвинителството, тој подолг временски период извршувал обљуба со една од своите малолетни ќерки, објави СДК.

Истовремено, второосомничената, како мајка на дете кое не наполнило 14 години, го подведувала девојчето да врши полови дејствија за паричен надомест со третоосомничениот. Таа му го носела девојчето на третоосомничениот, во неговата куќа и за паричен надомест од по 2.000 денари, а понекогаш  по 500 денари, ја принудувала да се соблекува и да има сексуални односи со него. Доколку детето одбиело, мајката употребувала физичка сила.

„Откако бил исплатен паричен надомест од 3.000,00 евра, девојчето било однесено во Косово заради склучување на присилен брак. По два месеци тоа дошло на гости кај нејзините родители, а првоосомничениот со оправдување дека било многу далеку не ја вратил во Косово и продолжил да врши обљуба врз својата малолетна ќерка“, се вели во соопштението на обвинителството.

На тројцата осомничени денеска судот им одреди мерка притвор во траење од 30 дена, на предлог на Основното јавно обвинителство за гонење на организиран криминал и корупција.

По насока на јавниот обвинител, малолетничките се згрижени од страна на ЈУ Меѓуопштински центар за социјални работи – Скопје. За кривичните дела за кои се товарат осомничените е предвидена казна затвор во траење од најмалку 10 години, односно 12 години за дејствијата за кои се товари третоосомничениот.​

Извор: СДК