Потпретседателката на САД, Камала Харис, го претстави планот на Белата куќа за изградба на 500.000 нови станици за полнење на електрични автомобили низ целата земја. Ова е дел од ветувањето на претседателот Џо Бајден електричните автомобили да станат подостапни за локален и меѓуградски превоз.
Харис денеска присуствуваше на церемонија на отварање на станица за полнење на електромобили во близината на Вашингтон.
-Нема никаков сомнеж дека иднината на транспортот во нашата земја и во светот припаѓа на електричната енергија, изјави таа.
Администрацијата на претседателот Бајден сака продажбата на нови електрични автомобили во САД до 2030 година да достигне 50 отсто од вкупната продажба на автомобили.
Харис кажа дека способноста на земјата да произведува, полни и сервисира електромобили ќе биде главен чинител за здравјето на американските зедници, закрепнувањето на економијата и одржливоста на планетата.
извор: МИА
