Богдан Илиевски, познат како Бетмен велит, кој беше еден од организаторите на протестите „За заедничка Македонија“ на социјалните мрежи распали по БЕГ и по се изгледа, ако се следат нејзините обврски, и по градоначалничката на Град Скопје, Данела Арсовска за парното. „…ако ЕДЕН ден снема парно Скопје и сите уклучат греалици/калорифери/инвертери… ќе снема и струја, бидејќи мрежата не е проектирана за да нема парно греење. И ќе се вратиме во среден век – и формално. Така да се надевам дека овие најнеспособни суштества од постоењето на светов и веков ќе успеат некако на шашма утре да се справат со проблемот и да не се реализира најавениот ризик од „викенд на мртовци“ во Скопје, без парно на минус десет“ пишува Илиевски на Фејсбук.
Со овој статус тој го напаѓа БЕГ по нивното соопштение дека имаат средства за снабдување на скопјани со топлотна енергија само уште еден ден, но истиот може да се однесува и за градоначалничката на Град Скопје, Данела Арсовска, која според Законот за енергетика е одговорна за снабдување на градот со топлотна енергија. Што е уште еден аргумент дека критиката се насочува и кон неа.
Согласно Законот за енергетика и Законот за комунална дејност Град Скопје и општините се задолжени да обезбедат сигурност во снабдувањето со топлинска енергија за граѓаните, тие останаа неподготвени бидејќи во рамките на нивните буџети тоа не беше предвидено.
За да излезе во пресрет и на БЕГ и на општините и Градот Скопје, Владата се понуди да плаќа 80 отсто од разликата од актуелната до реалната цена на топлинска енергија, а општините да платат само 20, но градоначалничката Аровска изјави дека нема да излезе во пресрет на граѓаните и одби да плати.
Затоа, ако постот ги критикува одговорните за парното, дел од коментарот мора да е наменет и за Арсовска.
Илиевски во статусот, освен што БЕГ и другите надлежни, а се виде јасно кој има законски обврски, ги нарекува „најнеспособни суштества од постоењето на светот“ наведува дека се надева дека ќе успеат да се справат со проблемот, за да не остане градот Скопје без парно.
Д. Е.
