„Метаморфози и еволуција – Скопјани и топлификација“ е насловот на новата уметничка акција од Центарот за современи Уметности – Скопје (ЦСУ), посветена на проблемот со парното греење во Скопје.
Акцијата, како што нагласуваат од ЦСУ се состои од група пингвини кои се шетаат низ Скопје и всушност ги претставуваат Скопјани кои во последно време се соочуваат со се поладни радијатори во своите домови со што нивните домовите наместо станови заличуваат на поларни куќарки – Игла.
1.
2.
3.
4.
5.
6.
7.
8.
„Со овааа акција исто така сакаме да ги предупредиме скопјани кои се затоплуваат со централно парно греење дека се поизвесно е дека од утре заради немањето гас на топлификација и заради кавгите на релација Град Скопје – Влада – БЕГ – Регулаторна комисија е можно парното во нивните домови на овие минусни температури да биде слабо или да го нема а тие да се чуствуваат како пингвини“, велат од ЦСУ.
Акцијата е дел од урбаните уметнички акции на Центарот за современи Уметности и е финансиски поддржана од Фондацијата Отворено општество Македонија.
Ј. Ѓ.
