Барајќи засолниште во импровизирани засолништа, трагајќи по безбедност и ги напуштаат нивните домови, лидерите на 40 украински граѓански организации излегоа со шест итни апели до Mеѓународната заедница.
Координирајќи се преку шифрирани апликации и лични средби во подземни засолништа, потписниците, вклучувајќи ги украинската Хелсиншка група за човекови права, „Вратете се живи“, Украински кризен медиумски центар и „Женски перспективи“, го повикуваат светот да дејствува веднаш и да ја поддржи Украина.
Од воспоставување безбедни зони за засолништа за цивили, до обезбедување системи за противвоздушна одбрана и противтенковско оружје, Кијивската декларација поставува шест хуманитарни и воени потреби на земја која е под напад.
Љубов Максимович, Претседател на „Женски перспективи“, вели: “Ја објавуваме оваа декларација во името на украинските жени и мажи кои стојат заедно да се борат за нивната слобода и слободи. Во овој момент, сė уште не е доцна да се исцрта линија во песокот, тука во Украина, наместо низ центарот на Европа – што всушност и ќе се случи ако не успееме. Се надеваме дека западните сили научија од долгите неуспеси на помирувања и очигледната двојност и нехуманост на Владимир Путин. Ова е најважната декларација што некогаш сум ја потпишала. Доколку не наиде на одговор, може да ми биде и последна“.
Олга Аивазовска, Претседател на организацијата за набљудување на изборите Опора вели: „Сега е моментот кога светот мора да ја покаже својата поддршка не само за суверинетот и територијалниот интегритет на Украина, туку и за вредностите како демократија, човековите права и слободата. Со Кеивската декларација, бараме помош од вас во победата над автократски диктатор, за одбрана не само на Украина, туку и на целиот демократски свет и принципите врз кои се заснова“.
Олександар Пaвличенко, Извршен директор на украинската Хелсиншка група за човекови права, вели: „Владимир Путин и неговите следбеници веруваат дека се над законот, дека можат да се извлечат од ова крвопролевање бидејќи светот има потреба од нивиот гас и нафта. Мора да им докажеме дека не се во право. Мора да ја разоткриеме вистината. Мора да ги повикаме на одговорност пред судот. Нашата декларација повикува на документирање и гонење за нивните воени злосторства – убиените цивили, убиените деца, бомбардирањето на мирните градови. Владимир Путин мора да одговора за неговите злосторства против украинскиот народ“.
Наталија Поповиќ, ко-основач и Претседател на одборот на Украинскиот кризен медиумски центар: “Нема слободна и праведна Европа без слободна и праведна Украина. Украинската нација се бори не само за нашата татковина, туку за свет безбеден за демократија. Но, не можеме да победиме доколку сме сами. Ве повикуваме да ја поддржите нашата декларација.
Кијивската декларација
Владимир Путин отпочна незамисливо насилство врз Украина. Се бомбардираат нашите домови, училишта и болници. Се разурнува нашиот начин на живот, демократијата и слободата. Се бориме со сė што имаме, но не можеме само со храброст и убедување да победиме. Ни треба поддршка. И ни треба сега.
Ние – коалиција од 40 украински граѓански групи – бараме од меѓународната заедница да застане со Украина барајќи од меѓународната заедница да ги преземе следните дејствија.
Да се воспостават безбедни зони во Украина
Да се обезбеди засолниште за цивилите од напади и од воздух и од копно и да се помогне да се спречи бран на бегалци кои бегаат во Европа.
Да се обезбеди итна одбранбена воена помош – вклучително воздушна и копнена помош
Итно ни се потребни системи за противвоздушна одбрана и противтенковско оружје за да ги одбраниме нашите домови и градови од руската употреба на напредна воена технологија, вклучувајќи и крстосувачки ракети.
Да се спроведат парализирачки санкции за поткопување на воената машинерија на Путин
Веднаш да се наметнат најстрогите можни санкции против Руската централна банка – без исклучоци. Целосна забрана за сите руски банки кои го користат СВИФТ системот со моментален ефект. Европа и САД мора да ги санкционираат руските сектори за нафта и гас, за да се прекинат приходите што Путин ги користи за финансирање на неговата воена машина.
Да се обезбеди хуманитарна помош
Потребна ни е финансиска помош за финансирање на локални хуманитарни организации. Исто така, потребно ни е гориво, логистичка поддршка и итна медицинска опрема, како што се теренски болници, мобилни клиники и залихи за третман на повреди.
Да се замрзнат средствата и да се одземат визите на пријателите на Путин
Да им се забрани на Путин и неговите пријатели пристап до нивните пари и имоти сокриени на Запад, да им се одземат нивните визи и визите на нивните семејства и да се воведе итна забрана за патување. Да им се даде до знање дека нема да биде вообичаената практика и дека Путин не може да ги заштити нивните интереси.
Да се обезбеди опрема за следење на воени злосторства веднаш
Да се обезбеди технологија и поддршка на групите кои ги снимаат воените злосторства на Путин. Да се финансираат групите за човекови права и адвокатите кои ќе се погрижат Путин и неговите пријатели еден ден да бидат изведени пред правдата.
Овој апел од шест точки е потпишан од страна на 40 украински граѓански организации во Кијив и други градови под опсада, вклучувајќи:
- Украински кризен медиумски центар, Наталија Поповиќ
- Граѓанска мрежа Опора, Олга Аивазовска
- Украинска Хелсиншка група за човекови права, Олександар Павличенко
- Пласт, Наталија Колесник
- Новинарска лабораторија за јавен интерес, Наталија Гимениук
- ЗМИНА центар за човекови права, Тетјана Печончук
- Украински институт Лондон, Олесја Комеучок
- Восток СОС, Костиантин Реутскуи
- ИСАР Једнанија, Володомир Шеухус
- СтопЛажно, Јевхен Федченко
- Украински центар за независно истражување на политики, Јулија Тушченко
- Украински католички универзитет, Фр. Др. Бохдан Прач
- Центар за граѓански слободи, Олександар Матвијчук
- Глобална Украина, Виолета Москалу
- ДиксиГруп, Олена Павленко
- Вокс Украина, Свитлана Слипченко
- Изолјациа платформа за културни иницијативи, Микхаило Глубокуи
- Хромадске ТВ, Јулија Федив
- Детектор медиум, Галина Петренко
- Европска асоцијација на експерти, Марија Авдеева
- Врати се жив, Тарас Чмут
- Женски перспективи, Љубов Максимович
- ПЕН Украина, Тетјана Терен
- Агенција за легислативни иницијативи, Свитлана Матвиенко
- Украинска аналитика, Хана Шелест
- Издавачи Смолоскип, Ростислав Шемкив
- Безбедносен форум Кијив, Данило Лубкивски
- ПроМова, Јевхен Хлибовитски
- Ваад Украина, Јозеф Зиселс
- Иницијатива за развој на демократија, Ксенија Кошелева
- Евромајдан СОС, Вероника Пухач
- Институт за масовно информирање, Оксана Романиук
- Изборен совет УА, Јехвен Бистритски
- Сковорода Институт за фолозофија, Национална академија на науките на Украина, проф. Ихор Козловски
- Академијата Острох, проф. Андриј Смирнов
- Центар за перспективни иницијативи и студии, Микхаило Руденко
- Центар за дијалог и помирување Искра, Ирена Ремецвенски
- Регионална Рада на Украинците на Крим, Андриј Иванец
- Академијата Кијив Мохила, проф. Константин Сигов
- Институт за информациска безбедност, Артем Биденко
Придружете ни се со споделување на овие 6 барања на #КијивскаДекларација
Обработка: Ивана Т. Зафировска