Со денови, ако не и со месеци социјалните мрежи се преполни со експлицитен говор на омраза, навреди, погрдни зборови, полни гнев, сите насочени кон министерката за одбрана, Славјанка Петровска. Од навреди кои се однесуваат на нејзиниот брачен статус, надворешен изглед, квалификации на „експертите“ за нејзината интелигенција до предрасуди за начинот на облекување. Коментарите се толку ниски, подли и безобразни, што некогаш се прашувате, дали овие луѓе имаат свој живот.
На Фејсбук и Твитер може да се најдат „безброј“ лични навреди кој Петровска. Најмногу од нив се однесуваат на килограмите, и во таа насока, коментарите се ужасни и запрепастувачки а упатени се и од мажи и од жени.
Во однос на изјавите на министерската Петровска на почетокот на војната во Укриана, кои беа поврзани со НАТО, многу погрдни коментари беа упатени кон неа, почнувајќи од „ти да одиш мори свињо“, до „си ја заборавила терапијата“. 
Лошите коментари не престанаа и откако беше објавено дека министерката е во посета на Лондон и дека министерката била пречекана со поздрав на македонски јазик и дека британската гарда и ја отсвири „Јовано, Јованке“.
Јавното понижување трае со месеци, а ретко кој надлежен реагираше по ова прашање. Досега реакции пристигнаа од Центарот за слобода ЦИВИЛ кој реагираше прв, и денеска реагираа од „СоНеаСме“, поточно Ирена Цветковиќ од Маргини објави принтскрин колаж од навреди упатени кон Петровска и јавно ја поддржа.
