Литванските власти покренаа истрага за трговија со 43 украински деца за посвојување, изјави еврокомесарката за внатрешни работи Илва Јохансон, во своето обраќање во пленарната сала на Европскиот парламент.
Таа ја повтори опасноста од таква трговија со луѓе во услови на долготрајни воени дејствија.
„Околу два милиони деца избегаа од Украина. Многу деца сега се соочуваат со нова опасност“, рече Јохансон додавајќи дека сè уште нема потврдени случаи, но од горко искуство се знае дека опасноста е реална.
“Children are at the top of our agenda. Our aim: to protect children, from war zone to safe home”.
My speech on the EU protection of children and young people fleeing the war against #Ukraine
at #EPlenary today ? https://t.co/BMEms3lMOP pic.twitter.com/XfX0xJ8FYM
— Ylva Johansson (@YlvaJohansson) April 5, 2022
Еврокомесарката истакна дека од почетокот на војната армијата на Путин убила 158 деца и тоа не треба да остане неказнето. Нагласувајќи ја важноста на улогата на УНИЦЕФ, Евроџаст и Европол, кои работат на превенција од трговија со деца, таа рече дека треба да се знае судбината на секое дете.
„Треба да знаеме каде се овие деца – сите 2 милиони. Ниту едно дете не може да исчезне“, рече Јохансон.
Според неа, исто така, треба да се регистрираат и давателите на домување и транспорт за бегалците знаат кој е безбеден и кому можат да му веруваат.
Извор: МЕТА
