Најмалку 11 цивили загинаа, а 34 се повредени кога камион со кој се превезувале нагазил на мина на пат во јужна Сирија, соопшти сириска невладина организација.
Меѓу загинатите се три жени и пет деца на возраст под 16 години, наведе Сирискиот центар за мониторинг на човековите права.
Од почетокот на 2022 година, од нагазни мини се убиени 124 лица.
Мини во полињата, крај патишта и во згради поставени за време на војната во Сирија во последните неколку години убија стотици цивили и ранија илјадници други./МИА/.
