Целиот Кремљ е собир на насилници и фрустрирани седокоси луѓе, жедни за одмазда. Министерството за надворешни работи на Русија, ја објави оваа честитка по повод Денот на Русија. „Учтиво ги замоливме да не се шират на исток“. Дипломатијата не функционира овде, заборавете!, пишува на Твитер, Хана Лиубакова, белоруска новинарка. Таа напиша и дека Денот на Русија бил прославен и во Белорусија.
#Russia The whole Kremlin is a gathering of bullies and frustrated grey-haired men full of revenge. The Ministry of Foreign Affairs published this photo on the occasion of Russia’s Day. “We politely ask them not to expand to the east,”it reads.Diplomacy doesn’t work here,forget it pic.twitter.com/0whj059wIQ
— Hanna Liubakova (@HannaLiubakova) June 12, 2022
Со истата честитка Денот на Русија го честиташе и Руската абасада во Скопје.
Рускиот амбасадор во Северна Македонија, Сергеј Баздникин, по тој повод организираше прием на 10 јуни.
Во говорот тој повторно негираше дека „специјалната операција“ е војна со украинскиот народ и дека Руската Федерација не врши геноцид, туку дека се работи за заштита на сонародниците. Наративот е насочен кон „денацификација“ и борбата на Русија против хибридната војна на „колективниот Запад“.
„Спротивно на тврдењата на нашите недобронамерници, ова не е „агресија“, не е „војна со украинскиот народ“, а уште повеќе не е „геноцид“, туку заштита на нашите сонародници и на нивните основни права – на живот, на слобода, на употреба на нивниот мајчин јазик, на национална самосвест, која долги години украинските нацисти неуспешно се обидуваа да ја прегазат со поддршка на нивните странски патрони. Да ве потсетам, главните цели на специјалната операција се заштита на населението на Донбас, демилитаризација и денацификација на Украина. Тие ќе бидат исполнети во секој случај. Русија ќе ја елиминира нацистичката закана, како што веќе направивме во 1945 година. Победата ќе биде наша.. Против Русија отворено се води тотална хибридна војна што ја започна „колективниот Запад“. Така, за нас е уште повредно што овде ги гледаме и руските сонародници, и нашите македонски пријатели – на секој од вас сме благодарни за вашето присуство, изјавил Бездникин.
Неговиот говор е објавен на Фејсбук страната на Руската Амбасада во Скопје.
Во вчерашниот говор, рускиот претседател Владимир Путин рече дека руската нација е посебно горда на достигнувањата и воените победи на претците.
Генералниот директор на Роскосмос и поранешен заменик премиер, Дмитри Рогозин, дури и рецитираше песна по повод Денот на Русија.
Lot of cringey Russia Day stuff happening but Rogozin is going to be hard to beat pic.twitter.com/F42vbo6tfc
— Scott Rose (@rprose) June 12, 2022