Северна Македонија стана првата договорна страна на Енергетската заедница која донираше итна енергетска опрема за Украина. Шест електроенергетски трансформатори дадени од операторот на дистрибутивниот систем Електродистрибуција ДООЕЛ, компанија ќерка на ЕВН од Северна Македонија, беа испорачани во Украина. Испораката на пратката беше координирана од Работната група за поддршка на Украина на Секретаријатот, пишува Energy Community.
„Секретаријатот прави максимални напори да ги поддржи Украина и нејзиниот народ, вклучително и преку координирање на пратките на донации на специјализирана енергетска опрема. Од денес, работата на Работната група за поддршка на Украина резултираше со испорака на повеќе од 300 метрички тони опрема за итни случаи во вредност од над три милиони евра“, вели Директорот Лорковски.
Mинистерот за енергетика на Украина, Герман Галушченко, се заблагодарува за донацијата и нагласува дека донациите се потребни сега повеќе од кога било.
„Ние сме благодарни на Северна Македонија и колегите од Енергетската заедница што ни помогнаа да ја обновиме енергетската инфраструктура оштетена за време на војната. Ова е пример за вистинската солидарност на која се гради Енергетската заедница. Донациите се потребни сега повеќе од кога било за да се подготвиме за претстојната зимска сезона“, истакна Галушченко.
Претседателот на Управниот одбор на ЕВН Македонија, Штефан Петер, рече дека се надева дека донацијата ќе обезбеди итно помош за семејствата кои останаа без струја поради војната.
„Благодарни сме на Секретаријатот на Енергетската заедница што ни помогна да направиме сè за да и помогнеме на Украина“, вели Петер.
Работната група за поддршка на Украина на Секретаријатот ги координира пратките за прва помош на критична специјализирана енергетска опрема во Украина донирана од приватни компании. Повеќе од 10.000 артикли се на списокот со барана енергетска опрема за итни случаи.
Ако вашата компанија, здружение или земја е подготвена да помогне, ве молиме контактирајте со USTF на UkraineEmergencySupport@energy-community.org. се наведува во апелот.
Подготви: Ј. Ѓорѓиоски
