Во период од 15 до 18 октомври директорот на Бирото за јавна безбедност Сашо Тасевски и помошникот министер за обука Суза Тасевска на покана на ИЦИТАП присуствуваа на овогодинешната конференција за шефови на полиции во организација на Меѓународната асоцијацијата на шефови на полиции – IACP, информираат од МВР.
Програмата на конференцијата имала два основни столба, првиот добросостојбата на полицискиот службеник, а другиот зголемувањето на бројот на жени лидери во полицијата.Македонската делегација, предводена учествувала и присуствувала на неколку работилници и предавања, како и на сесија на Генералното собрание на асоцијацијата, каде се обратил и главниот јавен обвинител на САД, Мерик Гарланд, а преку видео линк и претседателот на САД, Џо Бајден.На генералното собрание биле прогласени најдобриот полицаец од САД за 2022 година и уште 22 полициски службеници кои во текот на годината покажале исклучителни резултати во својата работа.
-На маргините на конференцијата, во организација на главната канцеларија на ИЦИТАП се оствари и средба помеѓу помошникот главен јавен обвинител Кенет Полајт и странските делегации. На оваа средба директорот Тасевски се заблагодари за исклучителната поддршка што ИЦИТАП ја дава на македонската полиција во изминатите 20 години. Особено важно е што македонската полиција се развива во правец на грижа за добросостојбата на полициските службеници, спроведена преку програмата Сина храброст на ИЦИТАП, во правец кој е идентификуван и од самата асоцијација како неопходна инвестиција за подобрување на менталното здравје на полицискиот службеник и неговото семејство, се вели во соопштението од МВР.
На крајот на оваа средба, во присуство на помошникот главен јавен обвинител Кенет Полајт и Грегори Дукот, извршен директор на ИЦИТАП, директорот Тасевски му врачил признание на полициското аташе во Република Северна Македонија Карл Ришхајм и му се заблагодарил за досегашната поддршка и воведувањето на клучните проекти.
