Она што не смееше да му се случува на Никола Груевски, станува секојдневие за Хрустијан Мицкоски – се повеќе членови и симпатизери на ВМРО-ДПМНЕ стануваат незадоволни од лидерот на партијата, неговите политики и неконзистентни ставови во врска со клучните државни прашања. Ова како да го откри во јавноста потпретседателот на опозициската партија, Александар Николоски, во емисијата „Заспиј ако можеш“ на Алфа. Како што кажа тој, на средбите кои Мицкоски ги има во локалните комитети на партијата тој бил постојано напаѓан и критикуван.
Николоски се обиде ваквото незадоволство да го прикаже дека се случувало од, како што кажа, „лажни вмровци“, кои биле агенти провокатори од Агенцијата за разузнавање. Сепак, реалноста се чини е поинаква и дека се повеќе членови на партијата застануваат против Мицкоски и неговите деструктивни политики и немањето политички сенс за многу прашања.
Соочен со напливот на негативна енергија и реакции од членството, кои стануваат дел и од јавниот дискусрс преку партиски членови, Мицкоски сега ќе се обиде да прикаже некаква консолидација во партиските редови. Наместо да се појави пред граѓаните и да ги дискутира политиките и одлуките на партијата, особено личните со секојдевните промени на ставовите, тој организира „саем“ на кој ќе се разговарало за сработеното на градоначалниците. ВМРО-ДПМНЕ. Дали таквиот саем ќе преставува всушност панаѓур на кој градоначалниците ќе му даваат отчет на лидерот наместо да даваат отчет пред граѓаните, пред оние кои ги гласале и за чии интереси би требало да се борат.
Политичкиот „саем“ на Мицкоски ќе се одржи викендов во Скопје, ќе трае два дена, а според партиските најави ќе присуствуваат стотина учесници. Тоа значи дека овој „саем“ ќе биде недостапен за граѓаните, па отчетите и дискусиите за партиските политики и резултатите ќе останат само за „големците“ во партијата. Затоа после гласот на незадоволните ќе биде уште поголем, а членовите јавно ќе се прашуваат зошто се изолирани.
Мандатот на Мицкоски како претседател на ВМРО-ДПМНЕ е обележан од неконзистентни ставови, потпалување на граѓаните и договарање тендери. Тој останува без цврст став за сите важни државнички прашања, а последниот пример е дека за само три месеци целосно го промени ставот за уставните измени.
Првично, Мицкоски и ВМРО-ДПМНЕ организираа протести, креираа хистерија меѓу народот и дополнителни поделби на општеството. Лидерот на партијата дури и ги натера пратениците да потпишат изјави на нотар дека нема да гласаат за уставните измени и најави повлекување од политика доколку еден пратеник од неговата коалиција ги поддржи измените.
Три месеци подоцна, сепак, ставот на Мицкоски омекна, па сега наместо повлекување од политика и целосно отфрлање на уставните измени, тој најавува дека доколку земјава добие гаранции дека влезот во ЕУ е можен, тогаш може да се прифатат уставните измени. Веројатно ваквите негови превртливи изјави кои само праваат поделби во општеството, заедно со обвинувањата за местење на тендер во Град Скопје со градоначалничката Данела Арсовска, предизвикуваат се поголемо незадоволство во членството на партијата.
Изјавата на Николоски за вербални напади против Мицкоски доаѓа во истиот ден, кога советникот на ВМРО-ДПМНЕ од општина Карпош, Александар Илиевски обвини дека добива низа закани од високи партиски функционери од неговата партија и дека вчера бил и физички нападнат од маскирани лица. Илиевски истакнува дека од ВМРО-ДПМНЕ му се заканувале и го терале да се повлече од советничката функција, а меѓу заканувачите бил и пратеникот и претседател на општинскиот комитет на ВМРО-ДПМНЕ во Карпош, Тони Јаревски. Советникот во неговите изјави откри дека советничката група на ВМРО-ДПМНЕ во Општина Карпош рекетира бизнисмени за носење одредени одлуки во советот, наместо да работат за доброто на жителите на Карпош.
Д. Е.
