Додека ВМРО-ДПМНЕ по кој знае кој пат се обидува да креира наводен скандал и со низа прес-конференции да креира конфузија и блокади во општеството, на виделина излегуваат се повеќе сегашни и поранешни функционери и членови на нивните семејства како биле вработени во државни агенции и институции со шестцифрени месечни плати.
На социјалните медиуми се појавија информации дека за време на 11 годишниот режим сопругите на Кирил Божиновски и Миле Јанакиевски биле вработени во АЕК со плати од над 120.000 денари. Тоа е годишна плата од над два милиони и 800 илјади денари за сопругите на едни од најблиските соработници на Груевски за време на режимот.
Сопругата пак на Никола Груевски била вработена во М-НАВ, каде што инкасирала преку 100.000 денари месечно, или околу 1.200.000 денари годишно.
Помеѓу „паразитите“ во тогаш владејачката ВМРО-ДПМНЕ е и актулениот лидер на партијата, Христијан Мицкоски, кој додека минималната плата во државата беше само осум илјади денари, тој земал по 100.000 денари плати. Покрај тоа што земал хонорари и плата од АД ЕСМ Мицкоски добивал надоместок и после неговото разрешување, на име разлика во плата од АД ЕСМ добивал месечно 60.444,00 денари.
Ивица Томовски, кој скојдневно држи прес-конференции во ВМРО-ДПМНЕ како управител на ЕЛЕМ Турс само од плати добил над два милиони денари или над 30.000 евра народни пари.
Но освен ова, двоецот Мицкоски-Томовски испумпувале пари од граѓаните во нивните џебови и на друг начин. Томовски пред да биде избран од Мицкоски за управител на ЕЛЕМ Турс добивал тендери токму од ЕЛЕМ за чистење на деловните простории преку приватна фирма Сити логистик. Томовски на тој договор вреден над 2,6 милиони денари или над 42.000 евра е потпишан како управител на фирмата Сити Логистик. Од другата страна, потписник е тогашниот директор на АД ЕЛЕМ, Христијан Мицкоски.
Сега ВМРО-ДПМНЕ се обидува да обвини за делење на високи плати во агенциите и институциите, а токму тие се тие кои го поставија тој стандард во време кога 11 години имаа апсолутна власт во државата. Кога ќе се види дека овие позиции служеле за нивните најблиски, станува јасно и зошто се давале толку високи плати и надоместоци.
За разлика од ВМРО-ДПМНЕ, кои како власт мислеа само на себе и своите џебови, минималната плата сега, кога Владата е предводена од СДСМ, достигна 18 илјади денари или двојно повеќе од нивото на кое што беше до 2017 година. Се воведе механизам за постојан раст на пензиите и ниту еден од граѓаните на земјата не остана заборавен за време на економската и енергетската криза.
Само во изминатите 10 месеци со цел ублажување на ефектите од кризата, Владата подготви и реализираше антикризни мерки во висина од над 760 милиони евра, најголем пакет мерки во регионот, потврден и од Светска банка.
Д.Е.
