ЦИВИЛ соопшти дека го започнува проектот „Отпорно новинарство во борба против дезинформациите и пропагандата“ во чии рамки ќе се одржи семинар за новинарки и новинари од 5 до 10 декември. Проектот се спроведува во партнерство со германската организација Младите за медиумите (youth4media). Од работата на семинарот ќе произлезат повеќе текстови и видео прилози на тема дезинформации и пропаганда, кои ќе бидат достапни за објавување на сите редакции што ќе учествуваат во овој проект.
Предавачи и презентери ќе бидат истакнати медиумски професионалци и експерти од Германија и Украина, како и од нашата земја. Бројот на учесници е ограничен. Пријавувањето за учество на семинарот почнува од денеска и трае до 1 декември, 17 часот. Работниот јазик на семинарот е англискиот.
Организаторите навестуваат дека по овој семинар ќе се отвори можност за понатамошна соработка со медиумската платформа на ЦИВИЛ, како и со други медиуми во регионот и во земјите на ЕУ.
Заинтересираните треба да пополнат Пријава за учество (ЛИНК).
Извор: ЦИВИЛ Медиа
