На прес-конференција во средата, Warner Bros. Discovery ја откри својата „иднина во стриминг“, конечно потврдувајќи ги своите планови за спојување на HBO Max и Discovery Plus во една услуга за стриминг наречена Max. Новата услуга за стриминг ќе продолжи да ја хостира целата оригинална и лиценцирана содржина на HBO, но програмите на Discovery ќе се приклучат на библиотеката, јавува Њујорк Тајмс.
WBD објави дека Max ќе започне на 23 мај. Услугата ќе содржи сè што е моментално достапно на HBO Max и популарни содржини од Discovery Plus, вклучувајќи емисии од HGTV, Food Network, TLC, ID, Magnolia и Discovery.
Секој што во моментов плаќа за HBO Max ќе добие Max кога ќе биде лансиран следниот месец. Ако ја имате инсталирано апликацијата HBO Max на кој било од вашите уреди, таа или автоматски ќе се ажурира на Max или ќе ви биде побарано да ја преземете апликацијата Max кога ќе пристигне. Вашето корисничко име, лозинка, профили, историја на гледање итн., сето тоа ќе се префрли автоматски.
Што е најважно, додека името на услугата се менува, цената не се менува.
Warner Bros. Discovery, исто така, ја искористи можноста да објави куп претстојни серии, вклучително и приквел-серијалот на „Game of Thrones“, A Knight of the Seven Kingdoms: The Hedge Night“, „SmartLess: On the Road“и други.
Серијата „The Penguin“, доаѓа на Max во 2024 година.
Што се однесува до самата апликација, WBD направи голем број подобрувања. Max ќе има поголем фокус на персонализација надвор од почетниот екран, стандарден детски профил за нови претплатници, ажуриран дизајн за поедноставување на навигацијата и побрзо време на вчитување.
