Кина и Франција треба континуирано да истражуваат нови области на соработка и да изградат поодржлив кинеско-француски синџир на снабдување, изјави денеска кинескиот министер за надворешни работи Чин Ганг.
На состанокот со француската министерка за надворешни работи Кетрин Колона, Чин истакна дека решеноста на Кина да промовира висококвалитетен развој и отворање на високо ниво е постојана, а Пекинг е подготвен да работи со Франција и со другите земји ширум светот.
Двајцата министри разговараа за повеќе глобални прашања. За време на разговорот, Чин рече дека двете земји треба да ја зајакнат соработката во меѓународните прашања и да работат заедно на глобалните предизвици, вклучително и украинската криза.
Кина е посветена на промовирање политичко решение за кризата, одржува комуникација со сите страни и ќе продолжи да игра конструктивна улога во овој поглед, посочи кинескиот министер за надворешни работи.
