БСП ќе биде опозиција на таквиот владин кабинет, изјави лидерката на „БСП за Бугарија“ Корнелија Нинова на прашањето на бТВ дали нејзината партија ќе ја поддржи владата предложена од двете најголеми коалиции по парламентарните избори во Бугарија, од „Промените продолжуваат – Демократска Бугарија“ (ПП-ДБ) и ГЕРБ-СДС.
На почетокот на неделата, кандидатот за премиер Николај Денков од „Промените продолжуваат – Демократска Бугарија“ соопшти дека Националниот совет на ПП расправал за предлог за влада со мандат од 18 месеци, во која првите девет месеци тој ќе биде премиер, а вицепремиерка и министерка за надворешни работи Марија Габриел (ГЕРБ-СДС), додека Габриел да биде премиерка во следните девет месеци, а Денков да биде вицепремиер.
