Усвојувањето на Резолуцијата на германскиот Бундестаг е силна поддршка за членството во ЕУ и признание за македонскиот јазик, идентитет, култура и посебност, изјави на денешната прес-конференција портпаролката на СДСМ, Богданка Кузеска, додавајќи дека „македонската јавност очекува одговори од Мицкоски зошто не направил ништо, зошто не лобирал за оваа значајна Резолуција кај сестринските партии во Бундестагот“.
Резолуцијата беше поддржана од сестринските партии на СДСМ, германските социјалдемократи, како и од сестринските партии од нашите коалициски партии, Либералите и Зелените. Единствено против беа сестринските партии на ДПМНЕ, истакна Кузеска.
Таа нагласи дека „Мицкоски и ДПМНЕ воопшто не ги убедувале сестринските партии да ја поддржат Резолуцијата за македонскиот јазик, идентитет и култура во германскиот Бундестаг“.
Мицкоски досега нема направено ништо за македонскиот јазик и идентитет а сега не мрднал со прст за волку важна одлука. Тоа е вистинското лице на ДПМНЕ и Мицкоски кои не не застанале зад државниот интерес и македонскиот идентитет. Прашањето е зошто? Или Мицкоски нема никаков кредибилитет кај сестринските партии и никој не го сваќа сериозно. Или воопшто не сакал нешто да преземе. Нема друго, објасни Кузеска.
Портпаролката на СДСМ побара одговорот од Мицкоски да ги разјасни и гласините дека еден поранешен министер на ДПМНЕ имал спровитен став од одлуката на германскиот Бундестаг.
