ЦИВИЛ – Центар за слобода организира комеморација за Крешник Ајдини, интелектуалец, новинар и општествен деец, кој починал на 16 јуни 2023 година, на 55 годишна возраст.
Комеморацијата за нашиот другар, колега и почесен член на ЦИВИЛ, Крешник Ајдини, ќе се одржи утре (среда), на 21ви јуни, во 13 часот, во Албански театар, Скопје.
„Ве покануваме заедно да искажеме последна благодарност и љубов кон нашиот другар и колега и да ја спомнеме неговата големина преку нашите сеќавања за него“, велат од ЦИВИЛ.
Крешник Ајдини е еден од основачите на ЦИВИЛ – Центар за слобода во 1999 година и на медиумската платформа ЦИВИЛ Медиа во 2009 година.
Ајдини е основач и сопственик на Лајф Радио во 2002 година, познато по општествено одговорните содржини и пораките за мир и помирување во земјата.
Преведе голем број важни дела од албански на македонски и обратно, со што даде огромен придонес кон запознавање на двете култури.
Крешник ќе остане засекогаш во нашите сеќавања по својата топлина, смиреност, мудрост и добрина.
Преземено:ЦИВИЛ Медиа
