Украинскиот претседател Володимир Зеленски изјави дека ја посетил линијата на фронтот кај Бахмут на истокот од неговата земја, пренесе ДПА.
По повод Денот на силите за специјални операции, тој им се заблагодари на тамошните војници за нивната посветеност.
Зеленски на социјалните мрежи објави и видео на кое може да се види како се ракува со неколку борци и им доделува награди.
Зеленски напиша дека бил информиран и од командантите за ситуацијата во силно оспоруваниот дел на фронтот. Сепак, тој во моментот не можеше да даде никакви детали.
Руските трупи го освоија Бахмут пред неколку месеци по тешки борби. Оттогаш, тие го окупираа градот, кој имаше околу 70.000 жители пред почетокот на руската офанзива.
Во текот на својата контраофанзива, украинската армија сега сака да ги ослободи окупираните области. Неодамна соопшти за мали успеси, особено во југоисточниот дел на земјата.
Извор: МИА
