Украинското знаме, денеска по повод Денот на државното знаме на Украина, во присуство на амбасадорката Лариса Дир и украинска делегација, беше подигнато пред Министерството за одбрана и Министерството за внатрешни работи на Северна Македонија, а беше поставено и на зградата од Министерството за надворешни работи.
„Денот на државното знаме на Украина-симбол на идентитет и борбата за Независност. Им благодарам на нашите пријатели од Северна Македонија за помошта и поддршката на Украина во нашата борба против државата-терорист Руската Федерација“, напиша на социјалните мрежи амбасадорката Дир.
Амбасадорката искажува благодарност до Министерството за надворешни работи, Министерството за одбрана и до Министерството за внатрешни работи на Северна Македонија за подигнување на знамето на Украина.
Празникот е востановен „во чест на вековната историја на украинската државност, државните симболи на независна Украина и со цел да се поттикне почитта на граѓаните кон државните симболи на Украина“, според претседателскиот декрет од август. 23, 2004. Во 2009 година, Уредбата беше изменета и годишната официјална церемонија на подигнување на знамето беше воведена низ Украина на 23 август, пренесува Укринформ.
Сините и жолтите бои на украинското знаме имаат илјадагодишна историја и датираат од времето на Кијивска Русија и Кралството Галиција-Волинија.
Во денешно време, сино-жолтото знаме на Украина за прв пат беше поставено над градското собрание на Стриј во регионот Лавов на 14 март 1990 година. Во Кијив, националното знаме беше подигнато над канцеларијата на градоначалникот на 24 јули 1990 година.
Со почетокот на руската агресија, сино-жолтото знаме на Украина стана симбол на борба и отпор кон напаѓачите.
Фото: Украинска амбасада
Ј. Ѓ.
