Фрескоживописот пронајден во црквата Свети Ѓорѓи во Северна Македонија се редок пример на византиска уметност во балканскиот регион. Владите на Северна Македонија и на Грција, заедно со Европскиот центар за византиски споменици, се договорија да обезбедат зачувување на фреските, објави Евроњуз.
Високо во планините над Преспанското Езеро што ја поврзува Северна Македонија со Грција и Албанија се наоѓа црквата Свети Ѓорѓи од 12. век.
Фрескоживописот пронајден внатре нуди интересни и ретки примери на византиската уметност во балканскиот регион и сочинуваат важен дел од европското културно наследство.
„Според некои научници, првите знаци од предренесансниот период можеме да ги видиме во изразот на светците (но) и во нивната облека“, објаснува Оливера Макриевска од Заводот за заштита на спомениците на културата и музеј Битола.
Владите на Северна Македонија и на Грција, заедно со Европскиот центар за византиски споменици, потпишаа договор за заштита и зачувување на фреските.
И тоа е предизвикот со кој се соочуваат тимовите за реставрација од двете земји кои се задолжени за одржување на овие вековни ремек-дела.
„Бојата доаѓа главно од минералите од камењата, зеленчукот, па дури и животните“, истакна Бејбис Апостолидис од Европскиот центар за византиски споменици.
Откако Северна Македонија и Грција го потпишаа договорот од Преспа во 2017 година, билатералните односи мешу двете земји добија на интензитет.
Еден конкретен резултат од ова е заедничкиот проект за зачувување на богатото културно наследство во регионот на Преспанското Езеро чии води ја формираат границата меѓу двете земји.
Г. Т.
