Претседателот на Демократската унија за интеграција, Али Ахмети се сретна со холандскиот амбасадор Дирк Јан Коп.
Ахмети и амбасадорот Коп разговараа за влијанијата на истокот во регионот, владеењето на правото, реформите како и важноста од европската интеграција, се вели во соопштението на ДУИ.
– Зголеменото руско и кинеско влијание во земјата и регионот ја загрозува европската иднина. Владеењето на правото и проверката за сите судии и обвинители беше дел од разговорот на средбата на Ахмети со амбасадорот Дирк Јан Коп. Законот за ветинг за судиите, обвинителите и политичарите е подолго време во Собранието, но ЕУ првично имаше резерви во овој процес, повикувајќи се на примерот со Република Албанија. Што се однесува до Врховниот суд, Ахмети истакна дека во надлежност на Судскиот совет е да постапува според законите. Според извештаите, до денес имало повеќе дисциплински постапки и во нивна надлежност е да постапуваат согласно законот и без било каков внатрешен или надворешен притисок, информираат од ДУИ.
