Во пресрет на посетата на американскиот државен секретар Ентони Блинкен во Албанија, Заменик-помошникот државен секретар за европски и евроазиски прашања Јури Ким посочи дека неговата посета ќе биде фокусирана на иднината на Албанија, иднината на Западен Балкан и на Европа“, пишуваат албанските медиуми.
Министерството за внатрешни работи на Велика Британија ќе им плати на познати личности да објавуваат пораки за подигање на свеста на „Тик Ток“, повикувајќи ги мигрантите да не го преминуваат Каналот со гумени чамци.
Ова се дел од темите од денешниот редакциски избор на ЦИВИЛ Медиа, од албанските медиуми во регионот.
АЛБАНИЈА
ВОА- Јури Ким: Посетата на секретарот Блинкен на Албанија, фокусирана на иднината на земјата, Западен Балкан и Европа
„Заменик-помошникот државен секретар за европски и евроазиски прашања Јури Ким во вторникот рече дека посетата на државниот секретар Антони Блинкен на Албанија во четврток ќе се фокусира на „иднината на Албанија, иднината на Западен Балкан и на Европа“.
Г-ѓа Ким зборуваше на телефонска прес-конференција заедно со помошникот државен секретар Џејмс О’Брајан во врска со посетата на г-дин Блинкен на Албанија и на Минхен на Конференцијата за безбедност.“, пренесе Глас на Америка на албански јазик.
Топ Чанел: Велика Британија со кампања од илјадници фунти со албански рапери, против сообраќајот со сплавови до островот
„Во написо во „Тајмс“, се открива дека Министерството за внатрешни работи ќе им плати на познатите личности да објавуваат пораки за подигање на свеста на „Тик Ток“, повикувајќи ги мигрантите да не го преминуваат Каналот со гумени чамци.
Влијателите на социјалните мрежи во земјите кои претставуваат голема количина илегална имиграција во ОК, вклучително и Албанија, Тајмс вели дека ќе им бидат понудени илјадници фунти за објавување на новите закони за имиграција, вклучително и заканата од депортација во Руанда.
Според медиумите, во Албанија веќе е избрана потесната листа на инфлуенсери, со помош на приватна консултантска компанија за маркет, во која има рапер, двајца комичари, блогери, ТВ личности и еден патописец.“, пренесе Топ Чанел.
Панорама – Апелационите судии на ЃККО на средба со американскиот претставник во Албанија, американската амбасада: Ја истакнавме клучната улога да служиме со интегритет и независност
„Во реакција, американската амбасада информира дека во центарот на оваа средба била клучната улога на независните судии кои со интегритет служат во борбата против корупцијата, организираниот криминал и тероризмот.
Меѓу другото, се нагласува дека САД се посветени на својата поддршка да им даде правда на сите албански граѓани во транспарентен правен систем.“, пренесе Панорама.
КОСОВО
Сури: Албанците од северно Косово одговорија на повикот да се вратат во своите домови
Албанските граѓани се јавија на повикот за аплицирање за изградба на куќи за немнозинската заедница во северните општини.
Работите таму се веќе започнати и жителите се подготвени да се вратат на своите имоти, пренесува Сури.
Бота Сот: Украинската новинарка и уметница засолнета во Приштина ќе одржи настан со деца на Денот на независноста на Косово
Украинската новинарка и уметничка Лудмила Макеи живее во Косово речиси две години. Таа беше првата украинска новинарка која се засолни во Косово откако Русија ја започна војната против нивната земја.
На 16-годишнината од независноста на Косово, Лиудмила Макеи ќе одржи „мастер клас“ за сликање со децата, пренесува Бота Сот.
КОЛУМНА
Коха: „Superbowl“ во Приштина
„Како и да е, ноќта на „Супербоул“ присуството на Тејлор Свифт на стадионот (по 20-часовен лет директно од концертот во Токио) му даде политички пресврт на натпреварот меѓу двата тима, бидејќи неколку недели претходно во сериозните медиуми се шпекулираше дека таа ќе излезе со јавна поддршка за кандидатурата на претседателот Бајден за изборите во 2024 година.’, пишува авторот Ветон Сурои во колумната „Superbowl“ во Приштина, објавена во Коха.
Подготви: Д. Тахири / Цивил Медиа
