Командата на силите за специјални операции на Украина денеска соопшти дека во синоќешниот напад со руски балистички ракети врз Одеса загинале три лица, а три се повредени.
Русите сега го избраа градот Одеса како клучна цел за нивните напади. Во текот на ноќта, тие нападнаа густо населени области со три балистички ракети Искандер-М, изјави портпаролот на украинските воздухопловни сили Илија Јевлаш, кој зборуваше во етерот на националниот телетон, пренесува Укринформ.
„Непријателот сега го избра градот Одеса за своја клучна цел. Претходно тоа беше Харкив, кој всушност продолжува да се напаѓа. Сега Русите ги погодија густо населените области на Одеса со три балистички ракети Искандер-М. Како резултат на тоа, луѓето беа Убиени и повредени, ова е уште една манифестација на жедното лице на рускиот терор.
Тој нагласи дека е многу тешко да се соборат балистички ракети бидејќи и Одеса и Харкив се наоѓаат премногу блиску до руските локации за лансирање.
Портпаролот истакна дека единствениот систем способен да одбие такви балистички напади е Патриот. Тој нагласи дека на Украина и се потребни повеќе такви системи и ракети за да се бори против рускиот терор.
Јевлаш, исто така, коментираше дека Русија користи касетни боеви глави за нападите во Одеса.
„Тоа не носи ништо друго освен ужас, бидејќи тие го заплашуваат цивилното население во обид да го принудат на некаков вид на послушност. Гранатирањето со касетна муниција е чин на терор и кршење на сите можни норми и обичаи на војување“, изјави портпаролот на воздухопловните сили.
Украинскиот претседател Володимир Зеленски изјави дека на Украина и треба „значително забрзување“ во испораката на оружје од партнерите за да и се овозможи на нејзината армија да се соочи со унапредувањето на руските сили на неколку фронтови.
„На Украина и треба значително забрзување во испораката на оружје за што поскоро да стигне до војниците на фронтот“, рече Зеленски.
Ј. Ѓ.
