Палатата „Берлемон“ во Брисел во која се наоѓа седиштето на Европската комисија минатата ноќ беше осветлена во чест на 20-годишнината од т.н. големо проширување на ЕУ, кога на 1 мај 2004 година во членство во Унијата беа примени 10 земји од Источна Европа.
– Со проширувањето во 2004 година, ЕУ стана поголем политички, економски и културен ентитет, создавајќи повеќе можности за граѓаните низ нашата Унија, наведе Европската комисија во објава на Икс.
Претседателката на Европската комисија, Урсула фон дер Лајен, пак, потенцира дека со одбележувањето на 20 години од зголемувањето на европското семејство, ЕУ слави и две децении единство и напредок.
– Историското проширување во 2004 година донесе нови можности и поголем просперитет за граѓаните низ нашата Унија, објави Фон дер Лајен на Икс.
Tomorrow marks 20 years since our European family grew larger.
The historic 2004 enlargement brought new opportunities and greater prosperity for citizens across our Union.
Tonight, as our building shines brightly, we celebrate two decades of our unity and progress. pic.twitter.com/uoZOzx6ED1
— Ursula von der Leyen (@vonderleyen) April 30, 2024
Претседателот на Советот на ЕУ, Шарл Мишел пак оцени дека со проширувањето во 2004 година го означи и повторното обединување на поделениот континент.
2004 marked the reunification of a divided continent.
Tonight we celebrate 20 years of EU membership of 🇨🇿 🇪🇪 🇨🇾 🇱🇻 🇱🇹 🇭🇺 🇲🇹 🇵🇱 🇸🇮 🇸🇰#20YearsTogether pic.twitter.com/WhkvoupFLO
— Charles Michel (@CharlesMichel) April 30, 2024
На 1 мај 2004 година во членство во ЕУ беа примени Естонија, Кипар, Малта, Летонија, Литванија, Полска, Словачка, Словенија, Унгарија и Чешка, со што Унијата од дотогашните 15 се зголеми на 25 члена, поради што приемот на овие 10 членки уште се нарекува и големо проширување.
