Кампањите за претседателските и парламентарни избори неделава се најдоа во работна недела со два неработни дена, но, со уште по зајакнат интензитет, остри реторики, препукувања, националистички наративи и „трки“ за простор и време.
Мониторинг тимот на ЦИВИЛ нотира и злоупотреба на деца и малолетници во изборната кампања, за што ЦИВИЛ излезе со соопштение во кое се бара итно да се престане со користењето на децата за политички цели.
ЦИВИЛ бара заштита на децата од пропагандата: Политичката злоупотреба мора да престане веднаш!
Мониторинг тимот на ЦИВИЛ констатира голем број случаи на злоупотреба на деца и малолетници, како во изборен контекст, така и за ширење етничка и верска омраза, но и за ширење на руска злонамерна пропаганда.
Политичката злоупотреба на децата е забранета со закон!
Во член 12, став 4 од Законот за заштита на децата се вели:
„Се забранува злоупотреба на децата поради политичко или верско организирање и дејствување“.
ЦИВИЛ бара од политичките партии, родителите, медиумите и институциите да ги ослободат децата и малолетниците од своите политички амбиции – со тоа го кршат законот и сите етички норми.
ПРЕТСЕДАТЕЛСКИ ИЗБОРИ
Управен суд ја прифати жалбата на коалицијата ВЛЕН за „бугарскиот воз” во Липково
„Управниот суд ја прифати жалбата на Коалицијата ВЛЕН за гласачко место во Липково, каде што имало полнење на кутија од страна на блиски луѓе на носителот на листа на ДУИ во оваа зона, со техника позната како „бугарски воз”. Во судската одлука стои дека тужбата на кандидатот на претседателските избори во 2024 година, Арбен Таравари, е прифатена”, изјави денеска на прес конференција Валбон Лимани од коалицијата ВЛЕН.“
Пендаровски: На 8 мај мора да направиме мобилизација, за да спречиме враќање на режимот
„Сега ќе мораме да направиме мобилизација, максимална за да спречиме враќање на режимот, бидејќи по сите специфики: политички, логистички и други разузнавачки, било какви, тие ќе бидат режим број два“, порача вчера вечер од Штип, кандидатот на СДСМ за претседател, Стево Пендаровски.
Силјановска Давкова „за“, Пендаровски „против“ амнестија за „крвавиот четврток“
Кандидатката на ВМРО-ДПМНЕ за претседател Гордана Силјановска Давкова најавува дека како иден шеф на државата ќе го искористи механизмот на помилување на осудените за настаните во Собранието на 27 април 2017 година. Нејзиниот противкандидат од СДСМ и актуелен претседател Стево Пендаровски, пак, е против и смета дека амнестија за такво дело не треба да има.
ПАРЛАМЕНТАРНИ ИЗБОРИ
Враќање на ВМРО ДПМНЕ на власт значи режим во најава, сигурна блокада на Македонија и внатрешни етнички тензии. Ако го дозволиме тоа, ќе ѝ се нанесе огромна штета на државата“, порача претседателот на СДСМ, Димитар Ковачевски, од вчерашниот Првомајскиот пикник што се одржа во Градскиот парк во Скопје.
Истите тие коишто дозволија да се отвараат бугарски клубови кои го содржат името Ванчо Михајлов во текот на нивниот мандат и ја згазија не само социјалдемократијата, туку и илинденските и асномските левичарски вредности и принципи, не обвинија дека сме човек партија.
Нивната ароганција е ненадминлива. Ова раководство на СДСМ, со овој арогантен пристап ја доведе партијата до историски најслабиот резултат, изјави Претседателот на движењето ЗНАМ, Максим Димитриевски.
Претставничката на Европски фронт, Арта Билали Зендели, вчера на прес конференција најави дека дека и ветингот на носители на политички функции и носители на големи одговорности во сферата на судството и борбата против криминалот и корупцијата, ќе биде услов за новата Влада.
Протестен марш на „Ромите за демократија“: Бараме заштита и безбедност на претстојните избори
„Нема правда нема мир“, „Стоп за насилството“, „Бараме заштита“… извикуваа претставниците од Фондацијата „Ромите за демократија“ на маршот кој почна пред Државната изборна комисија (ДИК), а заврши пред Министерството за внатрешни работи (МВР) во Скопје, при што побараа поголема заштита и зајакнување на полициската присутност за време на претседателските и парламентарните избори на 8 мај, посочувајќи дека нивните набљудувачи во Струмица се соочиле со одредени закани и обиди за физичко насилство, за време на првиот круг од претседателските избори што се одржаа на 24 април.
ИЗБОРЕН РОКОВНИК
За се што треба да знаат граѓаните околу двојните избори во Република Северна Македонија, мониторинг тимот на ЦИВИЛ подготви опширен ИЗБОРЕН РОКОВНИК кој можете да го прочитате и да добиете дополнителни информации, на следниот ЛИНК.
ПОЛИТИЧКИ ОКЕЈ КОРАЛ
Опасни наративи во пресрет на 8 мај: Војната од 2001 повторно ги заострува меѓуетничките односи
Цензусот виси на конец – Гласовите на Османи и Таравари можно е да се пресудни
#ТиОдлучуваш #Гласај
Јовановски: Гласањето е една од формите да се биде одговорен граѓанин
Тодоровска: Ги повикувам полнолетните девојки и жени да го искористат демократското право на глас
Сите важни информации за изборите можете да ги прочитате на веб страницата ГЛАСАЈ.
На оваа веб страница се објавуваат релевантни вести и информации за изборите, линкови до официјални извори, како и текстови и видео содржини за граѓанска едукација за правото на глас и важноста на граѓанското учество во изборните процеси.
Подготви: Дијана Тахири во соработка со ЦМТ
Преземено: Цивил Медиа
