Фестивалот на Јапонска култура годинава со ново име – Сакура фестивал, ќе се одржи на први јуни на три сцени во Младинскиот културен центар (МКЦ) во Скопје.
Слоганот на фестивалот за оваа година е „Расцути ја иднината“, фрлајќи светло на нашата лична одговорност и ангажираност за тоа каква иднина ќе доживееме како заедница.
„Фестивалот ќе ја обработува темата на тоа како јапонската култура и традиција има голема почит кон природата и таа е вткаена во секој дел од нивното живеење: обичаите и навиките од секојдневниот живот, развојот на технологијата и архитектурата, и како ние може да учиме од нив. Применувајќи ја јапонската методологија Каизен се трудиме постојано да се подобруваме и секоја година да ви приредуваме сè подобар фестивал. Овој пат ќе влечеме инспирација преку визионерските уметнички дела, перформанси и музички изведби, ќе научиме од јапонските вештини и искуства што може да ги примениме во нашето општество, култура и само дисциплина, ќе гејмаме и ќе се забавуваме!’, истакнуваат организаторите на Фестивалот „Јапан@мк“.
Пијанистката Дуња Иванова ќе се претстави со пијано концерт со композиции на Рунчи Сакамото.
На прашањето штој ја инспирира од јапонската култура, Иванова вели:
„Инспиративна е примарната цел во јапонската култура преку создавањето на врски помеѓу луѓето и размената на добра. Градењето на одговорност за исполнувањето на социјалните обврски резултира со хармонија, ред и вложување во индивидуалниот развој на човекот. Тоа се вредности кои ме фасцинираат“.
Ј. Ѓ.
