Од унгарскиот заем, во јавноста познат како заемот на премиерот Христијан Мицкоски, што го доби од унгарскиот премиер Виктор Орбан, имаат корист само бизнисот, а не и граѓаните.
Новинарот Дритон Зенку за Фронтлајн вели дека заемот од Унгарија беше посветен на општинскиот проект и на бизнис секторот. Според него, од распределбата на кредитните средства, во никој случај граѓанинот не стигнал директно до бенефитот.
– Со финансирањето на општинските проекти, граѓаните ќе имаат корист од проектите како колективни добра. Дури и во бизнис секторот, во прв ред корист имaат сопствениците. Во двата случаи, заемот е наменет за развојни комунални проекти и економија. Кредитите имаат каматна стапка и логично е да се посветат на вакви иницијативи. Владината политика треба да се фокусира на поддршка на бизнисите, но приватниот сектор треба да се стимулира и да ги зголеми платите. Дали беше можно кредитните средства да се распределат за повитални проекти за граѓаните, секако дека да. Имаме социјални категории како што се децата во градинките и старите лица во домовите за стари лица, каде што има многу недостатоци. Доброто е што се пуштаат во оптек кредитните алатки и тоа ќе има влијание врз економскиот раст. Обичниот граѓанин ќе остане во улога на публиката а придобивките ќе бидат само индиректни, анализира Зенку.
Политичкиот аналитичар Благојче Атансоски вели дека со постојано задолжување за сервисирање на потребите на исплаќање на зголемени плати во администрацијата и покачување на пензиите е само продолжение на должничко-доверителското ропство кон меѓународни кредитори.
– Економски раст и развој на една држава, се постигнува со производство во реалниот сектор и постигнување на додадена вредност на секој нов производ. Со постојано задолжување за сервисирање на потребите на исплаќање на зголемени плати во администрацијата и покачување на пензиите е само продолжение на должничко-доверителското ропство кон меѓународни кредитори. Нашиот јужен сосед, на овој начин финансиски „пропадна“. Македонија се самоодржува на кредити цели 33 години, без никаков план за развој на стопанството, а тоа создава маѓепсан круг на се поголемо задолжување без реално да се почувствува зголемување на животниот стандард на граѓаните, анализира тој.
Компаниите сè уште чекаат на 250 милиони евра кои се дел од унгарскиот кредит од вкупно една милијарда. Средствата за општините се веќе легнати и тие реaлизираат проекти, а со останатиот дел државата го плати долгот од 500 милиони евра за Еврообврзницата издадена во 2018 година. До крајот на јануари ќе станат оперативни 250 милиони евра кои се дел од првата транша од унгарскиот кредит наменети за бизнисот.
Дестан Јонузи
