Во вечерашното гостување на Телевизија Сител, таткото на трагично загинатата Фросина Кулакова, Тодор Кулаков на прашање дали 20-годишниот Васил Јованов бил на местото на несреќата, тој рече – не.
„Ние живееме во Дебар маало, тоа е на 200 метри, девојчето како и секоја вечер што си излага си излезе сама со кутрето. Слушнавме само брза помош, пискотници и сопругата и ѕвони не одговара на телефон, јас и ѕвонам не одговара на телефон, пиштат полициски коли, гледаме низ прозор 20 полициски возила, специјалци, чуда. Не треба ако дете не ти одговара на телефон да знаеш дека нешто се случило и шпринт тоа е, вели Тодоров.
На прашање дали осомничениот Васил Јованов бил на местото на несреќата, таткото рече „не“.
„Дали е иронија на судбина или не знам што е веројатно понатаму времето најдобро ќе покаже он колата откако ја согазил ќерка ми ја остава пред нашата зграда на „Партизанска“, четири трепкачи „Партизанска“ е празна. Кутрето што го водела под кола било, но не го видовме бидејќи ноќ е. Тоа можам да ви кажам, не беше, вели таткото на Фросина.
Тој додава дека таткото на убиецот Васил цело време бил на местото на несреќата, но во ниту еден момент не му приде да му изрази сочувство или да изрази каење.
Таткото на убиената Фросина вели дека чекале 3 часа да дојде обвинител да направи увид на местото на несреќата.
ЦИВИЛ Медиа пред три дена испрати прашање до Министерството за внатрешни работи (МВР) – Дали е вистина или се работи за дезинформација дека убиецот на Фросина, Васил Јованов од Скопје побегнал од местото на настанот и наводно сам се пријавил во полиција по неколку часа?
До објавување на текстот одговор од МВР не добивме.
Новинарот Љубомир Костовски на својот Фејсбук профил на 2 февруари постави неколку прашања во врска со случајот на Фросина.
Нејасно. Во врска со прегазувањето на девојката Фросина некои работи не ми се јасни. Мислам дека се повеќе од битни.
- Дали возачот побегнал од местото на настанот? Во време кога студирав тоа беше битен момент и отежнувачка околност?
- Дали побегнал сосе возилото (веројатно)? Одговорите на овие прашања ги нема освен во првиот момент, што може да укаже на селектирање на моментите кои го обвинуваат Васил Јованов. За тоа треба синхронизација на повисоко ниво.
- Беше речено дека сам се пријавил после еден час од настанот во пол.станица Карпош. За еден час тој може да измокри многу од она што би било отежнувачка околност (количината на алхохол во крвтта а и други околности, како опојни дроги што ги мало порано во автомобилот да исчезнат) Ако побегнал со автомобилот можело да ги има и овој пат?!
- Дознавме од таткото на жртвата денес дека увидниот орган доцнел на лице место три часа?! Во меѓувреме можеме само да замислиме како ситуацијата можела да се „измува“, да проработат врските. Како и дека таткото на убиецот се наоѓал на местото на настанот во тоа меѓувреме. И тој вршел „увид“ значи.
Ова се секако битни работи и не се детали. Дали не требаше да ги знаеме во стартот како јавност?, пишува Костовски.
Дехран Муратов / Цивил Медиа
