Либанскиот претседател Џозеф Аун денеска во претседателската палата во Бејрут се сретна со португалскиот министер за надворешни работи Пауло Рангел, јавија либанските медиуми.
Аун ја повика Европската унија да изврши притисок врз Израел да го заврши своето повлекување од либанските територии до крајниот рок до 18 февруари.
Либанскиот претседател ја потврди поддршката на Либан за Арапската мировна иницијатива, нагласувајќи дека Бејрут ги отфрла сите предлози што би можеле да доведат до раселување на Палестинците од нивната земја или да ги поткопаат нивните легитимни права утврдени во резолуциите на ОН.
