Двајца медицински работници во Сиднеј се соочуваат со кривична истрага за антисемитизам, откако во видео на социјалните мрежи тврдеа дека на израелските пациенти во Австралија ќе им биде забрането лекување или ќе бидат убиени, објави Индипендент, пренесува ЦИВИЛ Медиа.
Здравствените работници од Нов Јужен Велс се отстранети од болницата Банкстаун откако наводно изјавиле дека ќе убиваат израелски пациенти доколку треба да ги лекуваат.
Еден од болничарите, кој лажно тврдеше дека е лекар, дури сугерираше дека убивал израелски пациенти, објави 9News.
Медицинските работници, облечени во своите униформи, се вклучиле во разговор на платформата за видео разговор Chatruletka со еврејскиот креатор на содржини Макс Вејфер. Откако дознале дека Вејфер е од Израел, една од медицинските сестри рече дека ако пациентите од земјата дојдат во нивната болница, таа нема да ги лекува.
Премиерот на Австралија, Крис Минс, изјави дека лицата се идентификувани и суспендирани од должност во очекување на целосна истрага.
Министерот за здравство на Нов Јужен Велс, Рајан Парк, во објава на Х напиша дека е ужаснат од снимката која стана вирална на социјалните мрежи, и дека коментарите се одвратни, дехуманизирачки и неприфатливи и не ги одразуваат вредностите на заедницата на Нов Јужен Велс, болницата во која се вработени болничарите.
— Ryan Park MP (@RyanPark_Keira) February 12, 2025
Парк нагласи дека побарал полициска истрага, и доколку се потврдат наводите, овие лица ќе бидат отпуштени од работа.
Премиерот Ентони Албанес го нарече видеото „болно и срамно“ и рече дека е поттикнато од омраза.
The antisemitic video circulating today is disgusting. The comments are vile.
The footage is sickening and shameful.
These antisemitic comments, driven by hate, have no place in our health system and no place anywhere in Australia.
These individuals have been stood down by…
— Anthony Albanese (@AlboMP) February 12, 2025
„Овие антисемитски коментари… немаат место во нашиот здравствен систем и никаде во Австралија“, напиша тој во објавата на X.
Инцидентот се случува во време на бранот антисемитски напади насочени кон Евреите во Австралија во позадината на израелската војна против Газа. Во последните месеци беа забележани напади врз синагоги, згради и автомобили на Евреи низ целата земја, како и откритие на караван со експлозиви и листа на еврејски цели во Сиднеј.
Д. Мишев / Цивил Медиа
