Граѓаните се жалат на падот на животниот стандард. Сè повеќе се зголемуваат револтот и поплаките на граѓаните за енормното зголемување на сметките за струја. Властите најавуваат дека проверките на броилата на електрична енергија наскоро ќе бидат зголемени со софистицирана опрема за тестирање.
И првиот потпретседател на Владата на Северна Македонија, Изет Меџити, реагираше на високите сметки за струја, нагласувајќи дека државата ќе преземе мерки за заштита на граѓаните.
– Доста е со неправдата, државата ќе презема мерки! Не треба да има неточни сметки за струја! Не треба броилата да останат непроверени 7 години, додека граѓаните плаќаат неправилни сметки, потенцира Меџити.
Тој најави дека ќе се воведе строга контрола на наплатата, а граѓаните ќе имаат можност да пријават какви било поплаки.
Наскоро се очекува да биде додадена и контролата на броилата на електрична енергија со софистицирана опрема за тестирање. Министерката за енергетика Сања Божиновска го зголемува притисокот врз Метеоролошкиот завод што поскоро да ги пушти во функција овие уреди со што ќе се обезбеди поголема транспарентност и контрола во мерењето на потрошувачката на енергија. Софистицирана опрема, поради недостиг на ажурирање во претходните години, остана неискористена.
– Станува збор за машината – трифазен систем за мерење на струја и моќност, која повеќе од 7 години е некористена во подрумот на Бирото. Со воведувањето на овој уред, крајната цел е, покрај проверката на броилата, да се испита и точноста на броилата според поплаките на клиентите, велат од Министерството за енергетика.
Зголемени се поплаките на граѓаните за неправедно мерење, заедно со барањата за решенија. Од Министерството за енергетика велат дека покрај сметките на физички лица, под надзор ќе бидат и фирмите кои поставуваат броила.
Истовремено, ова ќе биде дополнителен механизам за контрола на компаниите кои поставуваат и одржуваат броила, со што ќе се обезбеди поголема правичност во наплатата на потрошената електрична енергија и ќе се намали можноста за неправилности, се вели во соопштението на Министерството за енергетика.
Од Бирото за метрологија уверуваат дека наскоро ќе се распише тендер за проверка на функционалноста, монтажата и пуштањето во употреба на уредот, а вработените ќе бидат обучени да почнат да ги проверуваат броилата за електрична енергија.
Погрешните политики на актуелната власт, ги загрозува темелите на социјалната правда во нашето општество.
Даниела Колева, претседателка на Форум на Жени на СДСМ вели дека за само неколку месеци сведоци сме на економско осиромашување, зголемување на јазот помеѓу богатите и оние кои немаат доволно, но сведоци сме и на груба партизација на институциите, непотизам, неправди и тотална маргинализација на ранливите граѓани.
– Нема социјална правда кога животниот стандард на граѓаните и на работниците драстично се влошува а богатите елити блиски до власта испумпуваат милиони евра. Со огромните поскапувања секојдневието на граѓаните е сведено на борба за опстанок. Две минимални плати, веќе п не се доволни за покривање на основните потреби. А власта одбива да ја покачи минималната плата на 500 евра. Намалувањето на животниот стандард на граѓаните драстично влијае на квалитетот на живот но и на намалување на можностите за граѓаните. Нема социјална правда кога царува непотизам во власта и кога роднини и пријатели на функционерите на ВМРО-ДПМНЕ ги окупираат најдобрите места додека нема простор ниту шанса за младите. Нема социјална правда со уништување на образовниот процес и укинување на критичното мислење. СДСМ се противи на овие погрешни политики, нагласи таа.
На почетокот на август 2020 година, поради огромните сметки за струја во Бугарија изгореа неколку возила на ЕВН. Во меѓувреме, од истите тие причини, на 14 август во Тетово изгореа две возила ЕВН.
Дестан Јонузи
