Филмот „Анора“ освои пет награди Оскар, од шест номинации, вклучително и за најдобар филм на 97-то доделување на Оскарите, додека меѓу актерската екипа беше и рускиот актер Јура Борисов, претходно дел од рускит пропагандни филмови.
Освен Оскар за најдобар филм, „Анора“ освои и статуетки за најдобра женска улога (Мајки Медисон), најдобра режија (Шон Бејкер), најдобра монтажа и најдобро оригинално сценарио (Шон Бејкер). Како што пренесува Кијив индипендент, филмот не ја освои шестата номинација, за најдобра споредна машка улога, за која беше номиниран рускиот актер Јура Борисов, кој претходно глумеше во руски пропагандни филмови и нелегално го посети окупираниот од Русија Крим.
Борисов е познат руски актер кој глумел во голем број руски филмови кои промовираат државна пропаганда, како што е „АК-47“, кој делумно се снимаше на окупираниот полуостров Крим, кого Русија го нападна и незаконски го анектираше во 2014 година. Влегувањето на Крим од руска територија е нелегално.
Борисов е првиот руски актер кој добил номинација за Оскар во речиси пет децении. Ова признание за руски актер кој никогаш не се изјаснил против руската агресија, доаѓа додека Москва продолжува да води брутална војна против Украина, во која веќе загинаа десетици илјади луѓе, вклучувајќи најмалку 12.300 цивили.
Многумина долго време бараат на проруските личности да им се забрани учество на меѓународни настани, вклучително и Олимпијадата.
Одлуката уште еднаш предизвика дебата за глорификација на руската култура и соработка со Русите додека Москва врши воени злосторства во Украина.
Претходно во септември, Меѓународниот филмски фестивал во Торонто предизвика гнев поради прикажувањето на „Русите во војна“, документарен филм на руско-канадски режисер кој ги оправдува руските војници кои учествуваат во инвазијата на Украина.
Драган Мишев / Цивил Медиа
