Доналд Трамп денеска изјави дека ќе купи нов автомобил Тесла како знак на поддршка за сопственикот и сојузник на компанијата Илон Маск, поради неодамнешните протести против Тесла и падот на цената на акциите на компанијата.
-Утре наутро ќе купам сосема нова Тесла како знак на доверба и поддршка за Илон Маск, навистина голем Американец, напиша Трамп на платформата „Truth Social“.
Улогата на Маск во федералните отпуштања иницирани од Трамп предизвика протести во САД.
Минатата недела, околу 350 демонстранти се собраа пред салонот на Тесла во Портланд, додека девет лица беа уапсени за време на протестот пред изложбен салон во Њујорк на почетокот на март.
Маск му се заблагодари на претседателот за неговата поддршка на „X“.
Нето вредноста на Илон Маск падна за 102 милијарди долари оваа година по остриот пад на акциите на Тесла. Богатството на извршниот директор на Tesla и SpaceX се намали за околу 24% за помалку од 10 недели на 330 милијарди долари, според индексот на милијардери на Блумберг.
Прочитајте и…
