Претставничкиот дом на САД, каде републиканците имаат мнозинство, усвои закон за привремено финансирање на владата пред истекот на тековниот буџет на 14 март.
Предлогот, што спречи делумно затворање на владата, беше изгласан од 217 членови на Долниот дом на Конгресот, додека 213 гласаа против. Еден републиканец беше против, а еден демократ беше „за“.
Предлогот, што предвидува финансирање на владата до 30 септември најмногу на сегашното буџетско ниво, мора да биде усвоен во Сенатот – каде што републиканците исто така имаат мнозинство – пред американскиот претседател Доналд Трамп да го потпише до петок и на тој начин да спречи затворање на владини служби.
Предлогот бара да се доделат повеќе пари за одбрана, грижата за ветераните и безбедноста на границите, а истовремено да се намалат трошоците за некои домашни програми.
Трамп вршеше притисок врз републиканците да го поддржат планот, особено имајќи предвид дека конзервативните републикански членови на Конгресот обично се противат на мерките за привремено финансирање на владата.
