Литванските обвинители објавија докази кои ја поврзуваат руската воена разузнавачка служба ГРУ со подметнување пожари во Литванија, Латвија и Полска во 2024 година, кога беа запалени продавница на ИКЕА во Вилнус и трговски центар во Варшава.
BREAKING:
Lithuanian prosecutors announce evidence linking Russia’s military intelligence service GRU to arson attacks in Lithuania, Latvia & Poland
An IKEA store in Vilnius & a shopping mall in Warsaw were set ablaze.
Polish PM Tusk says Poland shares the assessment. pic.twitter.com/GHqhgsAc3v
— Visegrád 24 (@visegrad24) March 17, 2025
Како што пренесува ЕуроЊуз, осомничениот, кој бил малолетен за време на подметнувањето пожар во Вилнус, бил уапсен додека планирал нов напад во Рига, во соседна Латвија. Литванските власти имаат разумни основи да веруваат дека руското воено разузнавање го организирало и финансирало подметнувањето пожар во продавницата на Икеа во Вилнус во 2024 година, изјави јавниот обвинител на оваа балтичка земја.
Главниот осомничен за инцидентот бил ангажиран од „руските воени и безбедносни служби“ и прифатил плаќање како дел од терористичка организација која планирала напади и во Литванија и во Латвија, се вели во соопштението од понеделникот. Уште се вели дека осомничениот на 9 мај минатата година поставил темпиран фитил во продавницата, кој бил активиран преку ноќ.
По снимањето на пожарот и испраќањето на снимката, осомничениот во случајот се обидел да им ги прикрие трагите и побегнал во Варшава – каде што земале БМВ како награда за извршување на задачата.
Странскиот државјанин, кој бил малолетен во моментот на нападот, постојано ги посетувал Полска и Литванија за да собере информации и да го испланира подметнувањето пожар.
Лицето беше уапсено на пат да изврши сличен напад во Рига. Властите соопштија дека податоците од материјалите од предистражната истрага им овозможиле „разумно да претпостават“ дека поединецот дејствувал во интерес на „воените структури и безбедносните служби на Руската Федерација“ во претходно воспоставена терористичка организација.
Литванскиот обвинител рече дека осомничениот имал за цел да ги заплаши и подели општествата на Литванија и Летонија во извршувањето на таквите напади и да изврши притисок врз властите да ја прекинат нивната поддршка за Украина. Тој се соочува со обвинение за дело што се третира како терористички акт.
Минатата година полскиот премиер Доналд Туск го проверуваше инцидентот во Вилнус кога полските власти во мај уапсија девет членови на наводниот руски шпионски синџир.
Туск изјави за телевизијата ТВН24 дека осомничените „биле директно вмешани во име на руски (разузнавачки) служби во акти на саботажа во Полска“, додавајќи дека лицата се украински, белоруски и полски државјани. Заедно со пожарот во трговскиот центар во Вилнус, Туск спомна обид да се запали фабрика за бои во западниот полски град Вроцлав.
Д. Мишев / Цивил Медиа
