Многу жители на Истанбул ноќта ја минаа на отворено, плашејќи се да се вратат во своите домови, по силниот земјотрес и над 180 последователни потреси, јавија американските медиуми.
Во земјотресот со јачина од 6,2 степени според Рихтеровата скала што вчера погоди област на 40 километри југозападно од Истанбул, најмалку 236 лица добија помош поради повредите што ги добиле кога се обиделе да скокнат од згради или поради напади на паника.
Повеќето од повредените се во Истанбул, каде што жителите остануваат вознемирени бидејќи се смета дека градот е изложен на висок ризик од силен земјотрес.
Плашејќи се од посилен земјотрес, засолниште побарале со спиење во автомобили или со поставување шатори во паркови и други отворени простори.
Многумина запалија логорски огнови за да се загреат по падот на температурата.
Земјотресите се честа појава во Турција бидејќи земјата е пресечена од две големи раседи.
Разорен земјотрес со јачина од 7,8 степени според Рихтеровата скала на 6 февруари 2023 година однесе повеќе од 53.000 животи и уништи или оштети стотици илјади згради.
