Слободата на изразување не е подарок кој може да се користи колку и кога сака секој член на задницата или таа во целост. Слободата на изразување е постојана борба за учество во општествениот живот на секој поединец или група во заедницата. Но слободата мора да биде користена како одговорност кон туѓите слободи кои не смеат да бидат ограничени со користењето на сопствената слобода, вели новинарот и аналитичар, Војо Маневски во изјава за ЦИВИЛ Медиа, за за слободата на медиумите, мислењето и изразувањето, по повод 3 Мај, Светски ден на слобода на медиумите.
ЦИВИЛ МЕДИА: Како би ја опишале состојбата на медиумите во нашата земја?
ВОЈО МАНЕВСКИ: Одговорот се крие во содржината на самиот поим –медиум. Што е денес медиум и поради која негова функција може така да се нарекува? Ако ова се расчисти барем на ниво на основна дефиниција полесно ќе се согледа и одговорноста на оние форми на јавно општење кои ќе можат да се нарекуваат медиуми. Вака под овој поим се подведува се и сешто а најмногу се злоупотребува во служба на основачите на медиумите, политичките центри на моќ или се на куп, па се гледа само дневниот интерес.
Не постои медиум, а да не е слободен и ограничен само со јавниот интерес. Се друго е пропаганден центар со јасни цели на спроведување – лични или парцијални цели.
ЦИВИЛ МЕДИА: Како го оценувате нивото на медиумски слободи и слободата на изразување?
ВОЈО МАНЕВСКИ: Слободата на изразување не е подарок кој може да се користи колку и кога сака секој член на задницата или таа во целост. Слободата на изразување е постојана борба за учество во општествениот живот на секој поединец или група во заедницата. Но слободата мора да биде користена како одговорност кон туѓите слободи кои не смеат да бидат ограничени со користењето на сопствената слобода.
ЦИВИЛ МЕДИА: Кои се вашите препораки за унапредување на медиумите и зајакнување на медиумските слободи?
ВОЈО МАНЕВСКИ: Да ја искористат можноста што им ја даваат социјалните мрежи и сите прилози да бидат со поголема одговорност кон јавноста и да бидат надградени информациите со споредбени анализи . Со тоа и ќе се разликуваат од обичните постови пласирани низ социјалните мрежи.
Преземено: ЦИВИЛ Медиа
